قطفناها وهي فالأرض دون عروق = لها مده تخايل سحب وسميه
لقينا فالديّر لاحق وإبه ملحوق = واظنك لا انت لاهذي ولا ذيه

بروق الصيف ماتحسب حساب ابروق=هذا علم ٍدرسته فالثانويه
ديرنا عامره بالعز مامن عوق=وانا مندونها روحي فدائيه

سحاب الصيف عندك ينبت الرقروق = وانا بزيدك إدروسن خصوصيه
ديركم هي ديرنا طالبينك فوق = تراني محزمك لا صارت الهيه

تركٌد وش علامك صايرٍ مطفوق=تحسب اللعب لعبة طاق طاقيه
ولاياصاحبي لاجات لزم احلوق=يدينا دونكم ماهيب ملويه

وألا ياابن الحميدي عدل المنطوق = عطيتك حسنه ورديتها سيه
ليا من العرب حطوا عليكم طوق = لحالك مامعك لو كان جنبيه