اللي جرالك يالسديري جرالي = ياشوق من تزها جديدات الاباس
ليه رفيقا خابره قبل غالي = ولا اتهمت مثله بالردية والانجاس
الا ومع ذالك نافعه من حلالي = وقفت دونه يوم الارياق يباس
وعلى لزومي قص كل الحبالي = واصبحت كني واحد .ن. يطبخ الفاس
ما يثمن المعروف غير الرجالي = يضيع مابين الثعالب والابساس

من اولاٌ حتى القدم مانوقيه = مابي نعول ولازرابيل حافي
واعدي ماعادي الذيب واطاء مواطيه = وابشر اللي يرتجيني خلافي
واليوم عود ويابساتٌ تراقيه = وحتى الظهر به حنوتاٌ وانهدافي
جاني الكبر وابليت به من بلاويه = وراح الصباء مثل الضعون المقافي

يا لله ياللـي اليـا ضاقـت تفرجهـا
يا فارج الهـم والضيقـات والكربـه
يا مخرج العبد لا ضاقـت مخارجهـا
من ماقفٍ يطحن السربه ورا السربه

لعل البروق اللي لها عام لاحت شرق=على ديرت الخلان تمطر مخايلها
ولعل الحبيب اللي بحبه درقني درق=يجي عندنا والنفس تبرى علايلها