الهيـــــــــــــلا *** منتدى قبيلة عتيبة - من افعال صدام التي يجهلها الكثيرون

يالربع كلن لة وجهة نظر والنار ماتحرق الا رجل واطيها
حنا عندنا يالكويتيين صدام لاهو بطل ولاهم يحزنون البطل يستشهد في ميدان المعركة اوينتصرعلي عدوانة اما ان يخرجونة من حفرة مثل الجردي وتقولون بطل فهذى في استخفاف بعقول الناس واخرتها يتمني ان لا يشنقونه مثل المجرمين لكن يقتل رميا بالرصاص
صدق خلف بن هذال
صدام لاتحسبن الحرب يجهلنا ... حنا اهل الحرب والكلمه نبرنها
بالغش يانذل والخدعه امباطنا .... تطوي اسيورك على الفتنه وتدهنها
بمعاملات اليهود اثرك تعاملنا .... تطمع ابجارتك ياالخاين وتطعنها
سلب النساء وانتهاك غابنا .... اعمال سوء لك الشيطان زينها
مخزي ومذنب ولاتقدر تقابلنا .... تجمع فرايسك يا الحصني وتدفنها
صبحك معروفنا واصبحت خاينا ... بغداد تلعنك يا الخاين وتلعنها
جاني وفي المجتمع منبوذ ومجنا ... شعبك بري منك والنخوه بري منها
كفك املطخ ابدم الشعب ومحنا .... معاد تنظف يمينك لو اتصوبنها
حنا حميناك يوم اعلنت وعلنا .....بالحرب جتك اسلحتنا من مخازنها
بالمعارك لك ثمان اسنين مشغلنا .....ولك القوافل امداومه مكاينها
هذا جزى مافعلنا من جمايلنا .... تحشد جنودك علينا وانت خاينها
لك يوم محتوم تصغربه وتتمنا ... ماكنت افي الوجود ولك مقننها
عليك بسم الله أكبر من تضامنا ... في الارض سبع فواسق وانت ثامنها
ياشعب دجله ترى موطنك موطنا ... لاترخص الروح للمجرم وترهنها
احسن تقول سل السيف وقتلنا ....في حكم مجنون لايامر ولاينها
الواجب انك على وصلك تواصلنا ....ازحف على طغمة الطاغوة وطحنها
ولياقمعتوه لاعرج ولاثنا ... نقصن على ظاهر الدنيا وباطنها
وقال:
حرّك الفتنه عميل الشيوعي واليهود=هامل الجدّين مسرج ظهور الهملا
جعل يوم جاب صدام يومٍ مايعود=المشاكل تصطلي والخطر منه إصطلا
إعقلوا عدو الإسلام بعقال القعود=خلّوا النازي يشمّ التراب مكبلا
إنشق البارود حتى يطيب لنا الكبود=وإسحب أذيال الهزيمه وناد إلك إزملا
أنت حربك خاسره لو حشدت أكبر حشود=مقبرتك إمهده عاجله ماتجلا
تنتظرك النار بين النصايب واللحود=قاتل المسلم يمرّ القصاص ويقتلا
الهوى والنفس غرّتك يالنجس الحقود=تذبح الأطفال والناس والمرضعات الرملا
مثل غاز الخردل اللي هجدت به الرقود=الطيور تموت والناس ووحوش الفلا
أنت ماتربطك معنا مواثيق وعهود=الخيانه تربطك مع قليلين الحلا
وانت سرد عراق مالك يمين ولا شهود=ماتصّدق لو تعاهد وتحفظ بكفلا
وأنت شخصية ثعل منت سد من الأسود=عدّل المكياج شخصك بشخصين بدلا
وأنت شخصك مزدوج لاتقاد ولاتقود=الحيا عن كل وجهك تجلا وإنجلا
وجهك اسود مثل ليلك لك الأيام سود=حافله بعلوم فيها العواقر حِملا
ماخبرنا بباطل ساد والله مايسود=إنتصار الحق مضمون رغم السفلا
كان لك تاريخ في مزبلة عاد وثمود=منكرٍ ماودعك ربك وماقلا
يوم ولّعت الفتيله وقرّبت الزنود=ثلث جيشك عندنا اسرى وثلثين قتلا
طلقةٍ في راسك الصبح تطلقها الفرود=وطلقةٍ في راس حنّا وطلقه في علا
سدنا ماهرفلو به رديين السدود=حظنا عالي وفي قمّة العز إعتلا
من تلّوى في ذرانا يبى يلقى سنود=كم غريبٍ في حمانا نسى الهم وسلا
ياكلاب المجزره يامسّحبة الجلود=الخلا عن دارنا والخلا مير الخلا
كلنا الخفجي ولا عنك يالخفجي صدود=قطعةٍ منّا وفينا وعدت مجمّلا
وقال:
قل للــــــــــعراقي يفتش جعبته قلـــــه يلقابها شـــــيء مايطري علــــى بالـــه
الهم والغم والطاعــــــــــون والعلــــه حقـــــــــه لحاله كفايــــــه حقه لحالـــه
من صفعة ذاقهــــــا بانت به الخلـــــه يذكـــــــر هزيمة شهر شعبان وهلالـــه
قــــام الثعل يشتغل ويشاغل الشلــــــه عـــــــزت وطارق وعد عدي وأمثالـــه
يذبـــح ويصلخ يدها حمراء ومبتلــــه شـــــــــــيء يخلي جبين الحر يندالــــه
ياناس ياويل مــــــــن هذا زعيماً لـــه الشعب فــي وضع يوسف له ويرثالـــه
شعب شرب كـــره وأكل كره كره لـــه يتفل علـــــى صورته ويدوس تمثالــــه
تبت يــــــدى أبو لهب تبِ وتب لــــــه واللـــــي معه بالحطب للـــقوم حمالـــه
مقبــــل على طبخة بالحيل تعمل لــــه يـــــــوخذ بها الثأر والثورة تسوالـــــه
الله مايهمـــــل الظالـــــــم ويمهــلــــه وأن طال به عمره خس شوي وأرذالـه
الحــــــــكم منهار والأحزاب منحلـــــه ماخس مــــن حالةِ فيـــــها ولا حـــالــه
مــــن ردي حظه فأهل بيتـه يزولـــــه صــــار الشجر قــــــوم بعيونه يورالــه
مـــن كثر مايرتميه يخاف من ظلــــــه ومن يعلم الغيب لا صار عدي قتاله
صدام أنا بأنشدك ويش إنت عايشٍ له مثلك بغبنه يموت وموته أشوى له
ماعد تملك من السلطه خبر لاله خارج عن السيطره دولتك منزاله
جمع من اعظامك سوات مجمع الجله وحرق ابها مدرى بغداد برجاله
الجــــيش يرزح تحت ذل من الذلـــــه والشعب مسكيـــن تضحك له وتغتالـــه
وإذاعتــــك ياسويد الـــوجه منشلـــــه ماعـــــندك إلا يالالــــه يـــــــاللا لــــــه
قال :
صديقك من يقاسمك الهموم بساعة الضيقـات
يصيبه هم مـن همـك وعنـك الهـم ينتابـه

ولا ينفع مع الخاين سعة بال وصبـر وسكـات
قليل أحسان حلو لسـان دود الحقـد يرعابـه

ولا تامن من النجس القريب يـدور الفرصـات
ولو حطك بعينه واقتنعـت انـك مـن احبابـه

ولا تامن مبيعة العهود وهـم اهـل البوقـات
إذا اصبح واحد منهم بعهد اصبح ولا امسا بـه

ولا تامـن منقبـة القبـور بكشفـة العـورات
يشيلـون الكفـن ويدمدمـون القبـر بترابـه

ولا تامن سحابة صيف يلقح باسـرع الأوقـات
أديار عامره بشعوبهـا راحـت مـن اسبابـه

ولا تامن لفروخ الداب لو عاشن وابوهن مـات
يجـن الصبـح بانيـاب تنسـل كنهـا انيابـه

ترى ما حل في بعض الدول تنبيـه وانـذارات
ومن لا ينتبـه معـك يـا التيـار يغـدا بـه

صحيح اهل القرى ماياخذون الا على الغفـلات
عبر والمعتبر يعيـا الامـور وياخـذ احسابـه

حمانا الله ونكران الجميل مـن اخطـر الأفـات
قليل العرف والحيوان طبـق الأصـل تتشابـه

صدق من سماك شاعر الوطن العربي وانت اللي مثلك يحق يكون رمز من رموز العرب مهوسيئ الصيت