يابو نجر لاتلبس الثوب وتطّول فى الاكمام=انته تجوّر كن يالاجودي عندك قضيه
انشد خلف مرزوق ويعلّمك بأركان الاسلام=قله يقول الك الشمالي ترى لي فيك نيه

ثوبي على قدّي وثوب الرجل بالطيب قوّام=وماني من اللي تذكره يا ولد صبح وعشيّه
قال ألّي ست ايّام في ذالشهر صاحبك ما صام=قلت الله أكبر ليه ؟ قال انشد وذمّه بريّه

ارفق قبل لاينفجر فيك شريانٍ وصمام=مااذكر ياكود اللي لهم عزم والهم مقدريه
من صام لله مارجا منك لاحسنه ولا آثام=ماني براجي منك حسنه ولا ارجي منك سيه

يا قاربٍ بالبحر تال الزمن عوّدت عوّام=كسّر خشب قاربك موجٍ مهفّاته قويّه
انته توهّم ياعميلي ومن نكبتك الاوهام=تحسب مساء هالليل يا صاحبي وقت اضحويّه