نعنبوها لحيةٍ ماتعز أ شـنابـها = ولــعـوها نـأر والنار من شـبابها

مـار طـب الـماد والخيل من ركـابها = لاتموت النار والنار من شـبابها

كلن يعرفك زين ياتركي الفين = راحت ثمان سنين وانته تلالي

العيب والله يوم نكبة فلسطين = لا واحسافه ياقروم العيالي

قلت لك ناظر طريقك وزليت الحدودي=والطريق المستوي للعرب يرقا سنودي
مير خذ غزه تراني من الليله يهودي =ولعوها نار والنار من شبابها

اليا نصيتك وش تبا فالموازين=ياخليف ابن دواس جرف(ن) هيالي
هاذي علينا كلنا ياحمر العين=لو هو تبرى ذيب ماني لحالي

العصيمي خمّ بقعا عسى بقعا تخمه = جاء يبا النوماس واقفا على راسه مطمّه

مار غزه هاتها وازهلونا فالمهمه = ولعوها نار والنار من شبابها

الي حصل فالسبت تلقاه الاثنين = يجوزلك والا بلاش الجدالي

تبا تبرى من دعاويك هالحين = ماعاد يمدي ياكريم السبالي

العصيمي لو يخمخمك لا تنحاش برى =حب خشم الارض ذا الحين عجل وش تحرى
وأنت رجال(ن) سنافي على الغزه مضرى=ولعوها نار والنار من شبابها

الصاع فيه الصاع والصاع صاعين=من ماضي الايام فاول وتالي
ياربعنا ياهل الوفا ياموامين=يمنا العتيبي لا تسب الشمالي