اللي جهل بالطيبه لازم يجيب الثانيه = واسباب نكبات العرب من بعد كاس وغانيه
لا والله الا راحت البصره بعد لبنانيه = انعد نكباتالعرب والمشكله فتح وحماس

كبرت المشكله ماعاد به تحسين = صار صاحبك تال الوقت قوماني
اذبح الحيه اللي فوقها قرنين = لاتردد سوالف كان ماكاني

بعض السوالف يالعتيبي ماوراها راس مال =ولا يلتفت للناقصه غار الضعيف امن الرجال
وان حصل مشكله يامضرس النابين= مد كمك من اجل انعلق العاني
لاتفرح لنا الادنين والاقصين= روم رؤس العلايالصقر شيهاني

اللي تقوله صدق لكن وين رجل ٍ يعمله = واللي يطاطي لو يصير الجد مافيه اصمله
ريحة فمه من شين هرجه كنها ريح بصله = انلوم حكام العرب والمشكله فتح وحماس

اقر فالفاتحه واقر الفلق والتين = ينحشر منك من في راسه اجناني
ابك والله على سلم العرب ماشين = وانت في رايك اللي قلت وحداني

ان كان ماطاعك زمانك طيعني طيعه وقول=قول الحقيقه والجمال اتشيل جايرت الحمول
حكم العقل ياراكان ابو حثلين= والبري ينعرف ماهوا كما الجاني
قاضي الحق يالشاعر ميرض اثنين= والنصيحه ترى تشرى بالاثماني

يابو فهد يامسندي كل العلوم الطيبه = قدمتها .. لكن هالمسكين ظني خيبه
ضاع الكلام الزين معه وجاب شي يعيبه = انلوم حكم العرب والمشكله فتح وحماس

انت وش فيك ترميها على الصوبين = في كلامك ظهر لي بعض االالواني
مفسدين البلد لاجالهم تمكين = شرهم كلن يشوفه بالاعياني

النار تالع من شراره في جثامير الحطب= والصلح طيب والنصيحه تنتقدر بالذهب
المشاحن ميرضاه العقل والدين= خل مشيك معي واحذر تعداني
خلوا القصر واحد لايجي قسمين =ورثت اجدودنا من ماض الازماني