مامشيت الا دروب الطيب ياراع المطبّه = ماتمشيها عليّه حيثني للعب فايق
الصديق يبين وقت الضيق مايبغى منبّه = والردي لو يبتسم لك داخله شين العمايق

الجبل شامخ وراسي والهوالو زاد هبه=مايهزك ياجبل والله عالم بالخلايق
جود احزامك وعبه بالفشق ياهيه عبه=خطه مكه يجمع الصاحي ويجمع كل بايق

من ورد حبله قصير اكيد يرجع ماشربّه = افهم المقصود ياذيب ٍ على الهضبه توايق
صاحبك كارب حزامه معه سيف ٍ لاضربّه = فوق هامات العدا تنشال من غير العلايق

من معه سيفٍ حديدٍ عظم رجلك لايجبه=الحذر واجب وطبع الوقت ماينساق سايق
الشجر يحميه عن لفح الهواء قشره ولبه=وانت ياذيب الخلا من فوق ضلعك لاتهايق

لاتهددني وانا قلبي على الشدات صبّه = كلمتك ماخوفتني لو تلحقها لحايق
اعرف انك شاعر ٍ والقاف لامنّه لعبّه = يتقنه لكن لازدنا الحمل ماهوب طايق