من توكل على الله مايهمّه عسير = كل حمله ليامنّه برك شالها
والكحيله ليا شفتك علاها مغير = معي سيف ٍ يقصّك ويتحمّالها

كثروا اللي يبون البنت وانت الاخير=وانت ابن عمّها مدري ولد خالها
وكان رمحك عطيب وكان سيفك شطير=لاتصْل العشاء غير أنت رجالها

ماوردت العدود ومعي حبل ٍ قصير = لو تطول العدود اروى على جالها
انت لاتحسب انك صرت فيها خبير= اعرف البنت ماتطري على بالها

انت بالحبل تارد فوق عدن غزير=مير قبلك رجال تورّد حبالها
الفرزدق ماهو في حاجتك ياجرير=لو عطوك الهنوف تحطّم أمالها

ان بغيت الهنوف اقدام رجلي تسير = ولوّها بالجبال السود نرقالها
وانت ريّح تراني ما اتخذتك شوير = كل لحيه ننزلها بمنزالها

هذا في المنتدى والا في الميدان

والله يالربع كنكم في الملعبة

ماشاء الله عليكم .. كيف لو الصفوف معكم

محاورة قوية بمعنى الكلمة

يعطيكم العافية ..

...
.
الاستاذ ابو الوليد ...
كلماتك اضاءت الصفحه وعطرتها
شكرا لك على اطرءك العذب وحضورك الباهي ..
...

صيتها فوق ضلع وسرّها جوف بير=وانت ماتحتريك ولا تحرّى لها
كيف تبغى الاماره وانت مانته بامير؟=دون ابوابها مقفوله أقفالها