يالهذيلي شالك السيل من بطن المسيل=من مزونً فالسماء يفجعك رعادها
ماعرفك الليل والخيل والسيف الصقيل=تعرفك ضلعانك اللي نعرف بلادها

يالثبيتي خيمتك تحتها الماطر يسيل = والحديده تحتمي لا حضر حدادها
فالمعارك يالثبيتي صنعنا المستحيل = عينك اللي شافت الموت ..منهو قادها

انت لا اروحت الك ريحة لحم مالك مثيل=مير مالك عندنا صيدة ً تصدادها
لاتعرّض للمدافع ياراع ام الفتيل=روح عوشر مع خناذف بوقت أعيادها

كان وقتك مال لا بد فأيامك تميل = والعلوم الخافيه كاشفين أرصادها
صابك الرماي وأنته من الرامي عليل=والمعاني روّحت وأفتهم نقادها

يابني مسعود ضيعتوا كتاب الخليل=مابقي غير المطيه يطيح شدادها
الزمان يدور وان راح جيل يجيك جيل=ياعسى الحيين تحفظ تراث اجدادها

أنت تمشي في طريقك ولا عندك دليل = والإدله عندنا والسلف ما رادها
ما يضع العرف والمعرفة تلقى وكيل = وإن نسيتوا ما نسينا .. السنه وجمادها