الهيـــــــــــــلا *** منتدى قبيلة عتيبة
صفحة 3 من 4 12 3 4
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الليل يا مرزوق (http://www.otaibah.net/m/showthread.php?t=14786)

مرزوق حمدان العتيبي 08-Aug-2005 01:05 PM
يالفالح نبغي الموجز ولانبحث عن التفصيل = تفاصيل العرب قدم العرب بالنت مقريّه
انا وانته بدرب المعرفه قدنا البعير اشعيل = ولا نجحد جهود اهل المواقيف البطوليّه

الايداء1 08-Aug-2005 07:08 PM
الله الله
,
’
يالشعار وسعتم صدورنا
شعر مفهوم عند الشعراء فقط
وخروووو يالعليميه ؟
تراني ماسك الصف لين أتعب ثم أبا أوكل ماجد الهذلي والمسري لين أرجع
الليل
,
,




ترى حنا الرجال اللي يعادينا ياويلـه ويـل= على لطم العـدا بقلوبنـا مافيـه ماويّـه
انا بنشدك وضح لي هذا الموضوع يالحلحيل=عن اللي يلبس الغتره كذا من دون طاقيـه
,
وحد وحده وحده,
الماء للصفوووووف
,
وخروا الورعان عن الصف
واصلووووووووووووو

اللطّــام 09-Aug-2005 11:21 AM
شعـــــــــار وافيـــن مافيها كــلام
صحت اقلوبــــكم.

لؤي باكلكا 04-May-2008 08:50 PM
الله صحت الالسن الفالح ومرزوق

مرزوق حمدان العتيبي 04-May-2008 10:34 PM
...
.

الله الله يا اياااااام الشباب هيضتنا يالؤي باكلكا
لبا والله قلبك :)
...

مرجح الميزان 04-May-2008 10:59 PM
أبو فلاح ومرزوق



عمالقة الله لا يضركم





صحت الالسن



..




ولنا عوده

لؤي باكلكا 04-May-2008 11:10 PM
[B]
اقتباس:
المشاركة الأصلية كتبت بواسطة مرزوق حمدان العتيبي (المشاركة 636416)
...
.

الله الله يا اياااااام الشباب هيضتنا يالؤي باكلكا
لبا والله قلبك :)
...


ابو محمد لاتفتكر اني علقت عليها لكي اتي بها الى هنا

انما هو شعور نتج اثناء اعجابي بشاعريتكم ياحضرة المدير

واشكرك على اطرئك الجميل :)

معجب العتيبي 05-May-2008 12:00 AM
علي فلاح العضياني

سلام الله عليكم يا عتيبه متعبين الخيل=رجال(ن) فعلهم معروف والعزوه عتيبيه
يامرزوق العتيبي طاب ليلك مار سر الليل=انا خابرك راع الدله اللي اللي نارها حيه


مرزوق حمدان العتيبي

هلا يامرحبا ترحيبة ٍ تبدي بريح الهيل = على عودة صحيب ٍ غيبته غيبه طبيعيه
نبي نسري على وضح النقا واللي يحط يشيل = لكن هات العلوم الطيبه ياطيّب النيه


علي فلاح العضياني

يدوم الك البقا يالشاعر اللي ما بخست الكيل=تعرف الحر الاشقر يكثر الروحات والجيه
انا ما شفت نجم الجدي وايضا ما لقيت سهيل=والا يا صاحبي مرزوق عجل بالخبر ليه


مرزوق حمدان العتيبي

وانامثلك بعد شفت الحقايق واجهل التعليل= ولاعندي خبر يذكر عن النجم السماويه
يقولون العرب محد ٍ عن ابلاده رضى تبديل = ولكن وش نسوي في الولاءات التجاريه


علي فلاح العضياني

تذكرت الزمان اللي يهيض خاطري بالحيل=نهار الغزو يوم انا نقوم ونحتم الهيه
والا يا متابع الاخبار ويش اخبار اسرائيل=عساهم بالمصايب كل صبح وكل عصريه


مرزوق حمدان العتيبي

ترى اللي يستمع هرجك يحسب انك ضعفت الحيل = وانا اقول الوعد قدام والرحله مكوكيه
عليهم مستمر القصف والتكبير والتهليل = وبه غرات جويه وبه غارات بريّه


علي فلاح العضياني

قليل العرف يفهمها على ظنك يعكس القيل=ترى حبل الصله بينه وبين الشعر سطحيه
عليهم والله اكبر مهلك اهل الفيل فوق الفيل=وانا ابا اشري لهم من سوق با كستان ذريه


مرزوق حمدان العتيبي

ترى حنا الرجال اللي يعادينا ياويله ويل = على لطم العدا بقلوبنا مافيه ماويّه
انا بنشدك وضح لي هذا الموضوع يالحلحيل = عن اللي يلبس الغتره كذا من دون طاقيه


علي فلاح العضياني

ترا ربعك يضدون العدا وايذبحون الحيل=حموا نجد العذيه يوم هذيه وهذيه
هذاه اليا بغيت الكلمه اللي مالها تبديل=يخلا منثبر فالشمس ما يقرب من الفيه


مرزوق حمدان العتيبي

يالفالح نبغي الموجز ولانبحث عن التفصيل = تفاصيل العرب قدم العرب بالنت مقريّه
انا وانته بدرب المعرفه قدنا البعير اشعيل = ولا نجحد جهود اهل المواقيف البطوليّه

معجب العتيبي 05-May-2008 12:02 AM
علي العضياني هلا وغلا
نور المنتدى بجمال التواجد وجمال وقوة الشاعريه وحسن الخلق

صح لسانك

مرزوق الابداع ماشاء لله تبارك الله
ابداع وقوه على حسب المقابل

كل يوم تجدد

شكرا على التواجد العطر

صح لسانك

مرزوق حمدان العتيبي 05-May-2008 09:34 PM
..
.
بارك الله فيك يابو سلطان ....
وشكرا ً لك على التنسيق ... والمحاوره هذي قد لها وقت :)
...
كل الود
...


الساعة الآن »10:22 PM.
صفحة 3 من 4 12 3 4
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd