ابشر ياولد العم مايصير خاطرك الا طيب بفتح الموضوع الاربعاء اوا لخميس ان شاء الله .
وبناديك عليه عشان تدري اني فتحته .

المراكز ليست دليل على الكثره لان فيه قبائل كامله في المدن الكبرى المنطقه الغربيه تحديدا وهم الثبته والجعده وكذلك ارى ان اكثر قبائل الروقه الذيبه لهم هجر كثيره ومعظمهم في المدن الكبرى
هذا والله اعلم

والنعم بالذيبه

بس مراكز كثيره !!!

الذيبه ربعنا نعرفهم زين

ولا لهم الا ام الدوم ونمران

بعكس

العضيان والحفاه والمراشده

فهم اكثر مراكز واكثر اعداد


اما بالنسبه لبرقا

فما من الواضح جدا

ان الشيابين اكثر عددا

والمقطه اكثر مراكز

اللي يقول العضيان والدعاجين والدغالبه اكثرعدداًمع احترامي له ماعنده سالفه

ومن وجهة نظري واطلاعي على اخبار القبيله ان اكثرعتيبه هم العصمه وعددهم قديوازي عد قبايل عتيبه الاخرى ومن بعدهم النفعه ثم الشيابين <الله يزيدهم ويوفقهم جميع

اما المراكز والهجرفقد تكون قبيلة العضيان في الرقم الاول

هذا ماعندي وتحياتي لصاحب الموضوع المميز

تفضل يالعطاوي هذا الموضوع زي ماطلبت

النسب الصريح لفخوذ قبيلة عتيبه والقبائل الموجوده في بني سعد ( ترثة عتيبه )

تلقاه في قسم انساب قبيلة عتيبه او ابحث عن مواضيع وتتلقاه .

مع احترامي للجميع
والله موضوع لا يسمن ولا يغني من جوع
لانه راح يميل للحميه والعنصريه
وفكونا من بعض العلوم اللي تفرق ماتجمع الشمل
فأرى اغلاق الموضوع افضل من التمادي فيه
لأنه مايفيد احد وكلها مجرد توقعات
وكلن يقول قبيلته اكثر عدد واكثر هجر
لكن اكثر الهجر الي يعدونها بيتين شعبيه فالخلا
وعلق عليها لوحه
لكن اقول الله يجعل كل طيب من ربعنا
وتقبلوا تحياتي وشكري وتقديري

اولا اشكرك واشكر من شارك ومرحبابك ووجهة نظزك على الراس والعين

ولكن انت كبرت الامر وهو صغير

راجعت جميع الردود ومالقيت فيها كلام جارح او رد عنصري سوى بعض اختلاف وجهات النظر من بعض الاعضاء واختلاف الرأي لايفسد للود قضية

الدعوى تصويت وتوقعات وعلى قولتنا مايحمل عنصرية وتفريق الشمل واذا كانك عاتب على بعض الردود طالب الادارة بحذفها ولكن لاتطالبهم باغلاق الموضوع لان فيه ناس يخالفونك ويقولون ان الموضوع مميز وطيروني في العجة هههههههههه

لاتعليق اللة يكثرهم ويجمع شملهم

برقا

1_ العصمة
2_ النفعة
3_ المقطة

روق
1_ العضيان
2_ المراشدة
3_ لا اعلم