0
0
0

يالله عسى الفردوس منزل ومسكان =ينعم بها ويشم نسمة هواها

مرحوم ياسلطان والدرب سلطان=المملكه تبكي ويبكي حصاها

الله يصبرنا على موت سلطان=ويصبر الدوله ويحسن عزاها
ياصارم عتيبه عقب موت سلطان=عفت الحياة وعفت لذة مناها
حي البيوت اللي لفت بإسم سلطان=ومن شرف الموضوع يلقى صداها
في منتدى الهيلا قروم ٍ وشجعان=وتواسي الدولة وتحسن عزاها
ما مت باقي حي ياطير حوران=ذكراك وسط القلب محد ٍ نساها
يا صادق النية ويانسل شقران=تبكيك رملا ( ن ) تجتهد في دعاها
عز الله ان المملكة تعني إنسان=سلطان يا طب القلوب ودواها
في منتدى الهيلا زحازيح عتبان=أهل الفعول اللي بعيد ٍ مدآهآ
إنعزي آل سعود في كل ما كان=أهل الشموخ اللي يذرّي ذراها
راح الكريم اللي به الطيب عنوان=وتاه الطريق بنجد وأظلم سماها
المملكة تنعاك بدون ٍ وحضران=وكل الدول بشيوخها وأفقراها
الموت حق وموت ذربين الايمآن=يهدم بيوت ٍ عامره من عطاها
ما هان راسك يابيض الوجه ماهان=وعيني على عشق البكى وش حداها
الموت مايعرفك ياذرب الايمان=ولا أخذ غيرك وروحك عفاها
مرحم ياسمح المحيا كحيلان=تبكي عليك العين وتهل ماها
ما ألوم عين ٍ دمعها فوق الاوجان=هلت غزير الدمع مما دهاها
حتى الحزن خيّم على كل الاوطآن=غآب الامير وغاب عنها رضاها
يحاضن الأيتام شبّن وشبان=في ماضي الازمآن منهو غذاها
سلطآن رجل المملكة وأخو سلمان=ذكراك تبقى ساطعه في سماها
سلطآن موتك حرك أشعوب وآوطآن=هز الدول بشعوبها وسفراها
من لامني في دمعة العين غلطان=دمعة فراق ٍ سبلت وانتثر ماها
يالله عسى الفردوس منزل ومسكان=ينعم بها ويشم نسمة هواها
مرحوم ياسلطان والدرب سلطان=المملكة تبكي ويبكي حصاها
يا رب انا طالبك تغفر لسلطان=أعداد دنيا كبها ما خذاها

يامنتدى الهيلا هلا العز والشان =شعر المشاعر مالحقنا مداها