المشاركة الأصلية كتبت بواسطة سعد بن مناحي بن شفلوت (المشاركة 1231782) طيب طيب انا مابغى نصيحه والذيابي مابي تحذير=وكذا وصلت الافاده والنشاما فهمت الجمله ولو راحت علوم وجات ماينقص من التقدير=وابن شفلوت يبقى صاحبك لابد تحتمله

ول ول ول..

يابو مناحي ،، الطاروق اخذ حقه لكن الختام عندك يالذيب

تكابر مير لن بعت النصيحة صرت مانت بخير = مقابيل الليالي من عجيب العلم تردم له
على الله يخمد البركان في صدرٍ همومه غير=عيوبه يظهر فعول الصديق ويستر الخملة

المشاركة الأصلية كتبت بواسطة سهيل 1 (المشاركة 1231792) بيض الله وجه الشاعرين ما قصرتوا ..........

المشاركة الأصلية كتبت بواسطة سعد بن مناحي بن شفلوت (المشاركة 1231810) ههههههههههههه ختامها مسك ياغالب الله يصح لسانك ويبيض وجهك تشرفت بمجاراتك ،، واللعب مع شرواك مكسب لاهنت ولاهان من حضر تحياتي للجميع

ابن شفلوت خلا اللي من اول ما يطير يطيـر=فهق شقر الحرار من الصقور وقـدم النملـة
واشوف النمل يكثر في النخل ويحوس جم البير=وانا لولا الحقوق احرقت كل النمل بالجملـة

لاصار المصلحه ماهيب في عتيبه ولافي مطير=عرفنا وش نبيع ونشتري والبدو في الرملـه
لكن اتبع حلالك يالذيابـي واطلـب التيسيـر=ولاتقـدم علـى فعـل يزعلنـي وتندمـلـه

تعيّن في وجيه الناس.. تعطيك الصور تقرير=ماهو علمٍ جديد الا على الصفحات من كم له
انا من يمي اقنع مايجي من رفقتي تقصيـر=ولكـن لاتعامـل واحـدٍ مايحفـظ العملـة

لاصار الراي من راسي توقـع يالذيابـي خيـر=بعير البدو لـو يفلـت خطامـه مانقـل حملـه
وأخاف اضحك معك من قلب ياغالب تعكس السير=وهـذا قـال يقطـع لـه وهـذا قـال يلزملـه

انا ما ودي ان الجوخ من هوج الرياح يصير=ثيابٍ باليه واهل الشيّم ما تلبس السملـة
عليك الله وامانه مايصير اللي تظن يصيـر=تلمح للجروح وهي قبل كلمتك مندملـه

لو انك ملتزم شكيت فيك انك من التكفيـر=اقول اهل الصمايل تنعرف في حزة الصمله
لكن استو مع صف الجماعه واسمع التكبير=ولاتحلم حلوم من عصر ماهيـب مكتملـه

انا ماودي ازيدك على مافيك من تكديـر=ولكن لاتهمّل صاحبٍ يكرم عـن الهملـة
ترى ماكل من يغلط جزاه الصد والتشهير=وهو من خيرة اللي من طمع بك شتتوا شملة

انا مابغى نصيحه والذيابي مابـي تحذيـر=وكذا وصلت الافاده والنشاما فهمت الجمله
ولو راحت علوم وجات ماينقص من التقدير=وابن شفلوت يبقى صاحبك لابـد تحتملـه

تكابر مير لن بعت النصيحة صرت مانت بخير=مقابيل الليالي من عجيب العلم تـردم لـه
على الله يخمد البركان في صدرٍ همومه غيـر=عيوبه يظهر فعول الصديق ويستـر الخملـة