الهيـــــــــــــلا *** منتدى قبيلة عتيبة - زامل السبيعي و حبيب العازمي

- - زامل السبيعي و حبيب العازمي (http://www.otaibah.net/m/showthread.php?t=130326)

اشكرك اخي القدير المر العذب على النقل

الجيد والممتع ولاعدمناك ولاعدمنا امثالك

اما بالنسبه للمحاوره هذه هي المحاوره كل يجيب اللي في ضميره

من زعل وغيره ولكن حبيب العازمي كنق المحاوره

شاعر يجيب المعنى بطريقه جيده ولايفهمه الا قليل

من الشعراء الذين على مستوى الشعر وما الشعراء

المبدتيين على قولهم يجيبها على القاف ويغنيها

وجهة نظر فقط لاغير

اقتباس:

المشاركة الأصلية كتبت بواسطة ابو فايح (المشاركة 1221036)

بالعوده لهذا الطاروق

لدي هذا الطاروق يساوي حفلة الغاط كامله

حبك وسبك ونديه ورسم معنى من أبسط حقوق زامل مناقشته

وبصراحه من أفضل الحفلات التي شاهدت لـ زامل السبيعي

البعض من قبيلة سبيع يقول أن حبيب العازمي من سبيع
وسبق أن ناقش فلاح الحنان حبيب العازمي في ذلك وأيضا زامل السبيعي أعتقد قبل سنتين

في هذا الطاروق بدأ زامل في مناقشة نفس المعنى
من البيت الأول يرسم للمعنى أن حبيب من عتيبه الأن
لكن إن شبت النار مع سبيع لا يغزي بني عمه الأصليين

قالو حبيب عتيبي قلت داريبه === انا ادري انه حبيب والله ادرابه
ون شبت النار بين السبيع وعتيبه ==== يجلد مع القوم لايفزع بمشعابه

بعدها يوضح حبيب أني من عتيبه وإن شبت النار أنت أول واحد أقوم عليه

تدري وغيرك درى وانا اكبر مصيبه == على الشنب والذي ماطلعت اشنابه
انا تراني من اهل العز والهيبه === وان جبت مشعاب انته عندي اولابه

بعدها يرد زامل السبيعي ويقول مادام هذا عرفك تردى نصيبك وحظك في غزوك بني عمك

مدام حضك تردى وش تسويبه == لكن دور على ضلعن تلاوبه

بعدها حبيب العازمي يستهزئ في معناه اللي جابه

يارجال فتش رصاصك قبل ترميبه == يثور ويطيح قبل تشوف مضاربه

واستمر الطاروق في ذلك ومما يدلل على ذلك قول زامل السبيعي
( وفيه يشير عليه أن يعود لـبني عمه حضوره وغيابه محسوب )

لكن لد النظر يامطول الغيبه == الرجل محسوب فــــ حضوره وفــ غيابه

بعدها تحول الطاروق إلى بعض الأبيات التي لو سلم منها الطاروق لكان أفضل ولكن لا تعيبه خصوصا أنها جاءت بطريقه مدفونه نوعا ما .

اذا حضر الماء بطل التيمم

ليت دخولك كان في اول مداخلة يابو فايح

الان وضحت الصورة

حتى المعنى لم نكن نعلم انه في هذا الاتجاه ...وواضح انه معنى جميل والندية فيه مطلوبة ...

كثر الله من امثالك الفاهمين المنصفين

تحياتي للجميع

مشكور على النقل و صح لسان الشاعرين

و صراحة انها محاورة رااااااااائعة و قوية

و ممكن عندهم موضوع يلعبون عليه ... بس حنا مشكلتنا نحلل الموضوع في غير محله و غير اتجاهه

يالربع انا من اشدالمحبين للشبح حبيب ولكن الصحيح يقال من وجهة نظري زامل ماغلط بكلمه وحده على حبيب واتحدى واحد يطلعلي ويقول هذا البيت غلط فيه على حبيب مشكلة بعض الاخوان يحكمون على نية الشاعر فالبيت وقد يكون صح ان الشاعر كانت نيتة مثل ما فسروها ولكن الرجل يوخذ من ظاهر كلامه ماهوب من نيته حتى لوكنت متاكد ان نيته كانت شينه ماتقدر تقول تهجم علي لانه حينها راح يقولك اللي طرالك تراه ماطرالي وتكون انت اللي اخطيت على نفسك وهذابالظبط ماقاله زامل فنهاية الوسيم وحبيب شاعر ذكي وعلم من اعلام المحاوره ولايقارن بزامل مع احترامي له واستغرب من اللي يقولون تهجم هجوم شرس كبرو عقولكم يالربع المحاوره اصلا حرب نوايا يعني اعطيك بيت له ظهر وبطن وله اكثر من نيه وانت شوف المنزل اللي يناسبلك ونزل فيه ولكم تحياتي وتقديري

اقتباس:

المشاركة الأصلية كتبت بواسطة شامان السلمي (المشاركة 1221040)

نعم صدقت ....

لله يعافيك كبرت الموضوع انامايبدولي شي اكثرمن انها محاوره هاكذا تصير

ولو ابي ادخل في تفاصيل كلام مرزوق حمدان في محله%

اقتباس:

المشاركة الأصلية كتبت بواسطة ابو فايح (المشاركة 1221036)

البعض من قبيلة سبيع يقول أن حبيب العازمي من سبيع
وسبق أن ناقش فلاح الحنان حبيب العازمي في ذلك وأيضا زامل السبيعي أعتقد قبل سنتين

في هذا الطاروق بدأ زامل في مناقشة نفس المعنى
من البيت الأول يرسم للمعنى أن حبيب من عتيبه الأن
لكن إن شبت النار مع سبيع لا يغزي بني عمه الأصليين

قالو حبيب عتيبي قلت داريبه === انا ادري انه حبيب والله ادرابه
ون شبت النار بين السبيع وعتيبه ==== يجلس مع القوم لايفزع بمشعابه

بعدها يوضح حبيب أني من عتيبه وإن شبت النار أنت أول واحد أقوم عليه

تدري وغيرك درى وانا اكبر مصيبه == على الشنب والذي ماطلعت اشنابه
انا تراني من اهل العز والهيبه === وان جبت مشعاب انته عندي اولابه

بعدها يرد زامل السبيعي ويقول مادام هذا عرفك تردى نصيبك وحظك في غزوك بني عمك

مدام حضك تردى وش تسويبه == لكن دور على ضلعن تلاوبه

بعدها حبيب العازمي يستهزئ في معناه اللي جابه

يارجال فتش رصاصك قبل ترميبه == يثور ويطيح قبل تشوف مضاربه

واستمر الطاروق في ذلك ومما يدلل على ذلك قول زامل السبيعي
( وفيه يشير عليه أن يعود لـبني عمه حضوره وغيابه محسوب )

لكن لد النظر يامطول الغيبه == الرجل محسوب فــــ حضوره وفــ غيابه

بعدها تحول الطاروق إلى بعض الأبيات التي لو سلم منها الطاروق لكان أفضل ولكن لا تعيبه خصوصا أنها جاءت بطريقه مدفونه نوعا ما .

على فكرة يابوفايح زامل السبيعي هو وجماعته اصلهم صوالحة عبادل شيابين عتبان صار بين جدهم وواحد من ربعه الشيابين دم وجلى مع سبيع هو واخوانه وبقوا على اسمهم الشيابين يعني اسمه زامل الحميدي الشيباني المجمعي السبيعي

وهو يوم يتحرش بحبيب علشان حبيب يقول انت اللي منا بس اشوف حبيب سحب على معناه

اقتباس:

المشاركة الأصلية كتبت بواسطة حمود بن خيشوم العصيمي (المشاركة 1220951)

زامل ودًه بشهادة شهره وحبيب رفض التوقيع له عليها
لذا تحفظ ابو فيصل ليقطع عليه الطريق ماكل طلاب شهاده نعطيه مطلوبه ههههه
ماكل طلاب مقضيه مطاليبه == لايطفي الضو وانت الضو شبابه

المحاورة جيدة ولا فيها هبوط لفضي 0000؟؟؟؟

فتل ونقض

لو لم أجد لزامل حسنة في محاوراته ألا هذه لكفته

أبدع من جانب ولكن الشبح له أسلوبه الخاص والمعهود منه

ومضة

احترامي

الحلحلي عبدالمحسن

اقتباس:

المشاركة الأصلية كتبت بواسطة اسمحلي مجنون (المشاركة 1221126)

المحاورة جيدة ولا فيها هبوط لفضي

يامجنون ردي مافيه مايشير الى هبوط وشيء من هذا القبيل