|
اقتباس:
بغض النظر عن الاوضاع لي بالناتج لو تقرا محاورات بالمنتدى ومحاورات ميدانيه كتابيه هل ترى محاورة المنتدى تتفوق على الكثير من الميدان ؟ |
نعم بعص المحاورات النتية تتفوق على الاخرى ومعروفين اهلها
لكن اتوقع لو لعبو يومياً نفس الشاعرين لمدة 3 شهور لضعفت محاوراتهم وهذا حال شعراء الميدان والسبب المادة |
من يشاهد محاورات المنتدى ويرجع ويشاهد محاورات الميدان يجد هناك فرق لصالح شعار المنتدى هل شعار الميدان اصابهم الملل من المحاورات وبالتالي جو تحصيل حاصل؟ بسم الله الرحمن الرحيم وبه نستعين ولا عدوان إلا على الظالمين أما بعد . . . ابن روق بعد التحية ( من يشاهد ) ليس كل من يشاهد يستطيع التحدث . لو أضفت كلمة ( بعض ) لا كان أفضل ليس لكـ حق التعميم والتحدث عن جميع شعراء الهيلا بهذه الطريقة انت لست بشاعرٍ لا في الميدان ولا في المنتدي , وذائقتكـ بهذه الطريقة لا ترتقي لمستوى الحديث عن شعراء الهيلآ أو شعراء الميدآن أنتهى . طلال ناشي |
اقتباس:
|
اقتباس:
المتابع لمحاورات الميدان يميز بين الغث والسمين والمحاوره موب طلاسم محد يفهمها ثم اين التعميم الي تقوله لا قلت فلان يعجبني يعني اخطيت على شاعر آخر!! مدري الناس وش فيها انا اقول معجب في شعر فايز ويعجبني طرحه ورزانته في مواضيعه هل هذا اسأه لغيره _______________________________ ياليت ترتقي بالاسلوب يكون افضل وخطاب تقول من جهه رسميه لون امر ولا عدوان الا على الضالمين وفي الاخير موضوع نقاش اختلفوا معي البعض والبعض اتفق معي لكل شخص حريه في الكلام اذا عجبك ناقش ما عجبك لا تعلق من الاساس اما خطاب رسمي كذا مايصلح |
حياك الله يامحمد انت ومواضيعك الحماسيه
وانا اختلف معك وابين لك ماخلف الكواليس وانا يامحاكيك لعبت محاورات فالميدان وعلى الكنود وعلى النت محاورات الميدان غير لن خصمك امامك وتحكم عليه من البيت الرابع وقوة رده على بيتك لن البدعه ماهي مقياس لن اكثر الشعار يبيتها من قبل ويتبين بعد الاربعه الابيات الاولى قوة الشاعر من ضعفه في الفتل والنقض اما محاورات الكنود والنت فيها النون ومايعلمون مره من المرات العب مع شاعر على الكنود ما غلق بيتي الا قال استلم يالنشمي جاك البيت اشرقني المهم انتهت المحاوره بعد يومين ويقابلني واحد من اخوينا قال ويش المحاوره اللي جت بينك وبين ذيب الحره قلت والله مدري كل ذيب له ذيب قال اللي يلعب معك شاعر معروف ويلقم ذيب الحره البيوت اما شعار النت بعضهم يستعين ببعض واكثرهم ينسقون محاورتهم قبل يدخل المنتدى وفي يوم من الايام عرض علي ان يتم تنسيق محاوره وتنقيحها على الماسنجر وهاذي اكبر عيوب المنتديات ولا تقدر تحكم على محاورات الشعار من خلال النت ودي وتقديري |
اقتباس:
حياك الله ياعلي اولا احييك على اخلاقك العاليه اتفق معك ان الميدان هي الاساس وانا هي الباقيه اما عن الاتفاقيه والتنسيق اعتقد انك قريب من محاورات الميدان وتعرف ان التنسيق موجود عند الشعار واتفاقهم على المعنى ربما تتفق معي او تختلف انا اقول كثير من محاورات الميدان اصبحت ممله لانهم ماودهم يلعبون وثاني شي ليليا مقابل شلته وغير كذا جاي تحصيل حاصل حفل لولد عمي جايين الشعار الساعه 11 من الليل ومالهم نفس باللعب والساعه وحده ونص سروا السؤال هنا ماهو سبب تفوق الكثير من محاورات المنتدى على الميدان؟ هل قوة شعار المنتدى؟ او ضعف محاورات الميدان في الفتره الاخيره؟ |
انا وجهة نظري ان شاعر النت يلعب بنفس ومهتوي للعب
اما شاعر الميدان فاكثرهم يقطع وقته لان فلوسه خذاها في مخباه ويلعب تسليه وتقطيع وقت والسلام |
اقتباس:
|
اقتباس:
اما شعار الميدان ماهو ملل الا استهتار بصحاب الحفلات والسبب صاحب المكتب وصاحب الحفله نفسه اللي تركو الحبل على الغارب لو اشترط صاحب الحفله ان يكون حضور الشعار بعدصلاة العشاء مباشره علي الملازيم لتشوف الفضايح ولكن الشاعر اخذ حريته والليله في الرياض واللي بعدها في جده قافيه سفر ورايح يمشي الحفله باي طريقه كانت وصاحب الحفل هو الخسران وبعض اهل الحفلات اهم شي عنده جماعته اليوم الثاني يقولون حفلة فلان حضرها عدد من الشعراء والقناه الفلانيه مدرا المسكين انه اكلها بين عيونه 30الف لشعار و10الاف قناة 10الاف صفوف هاذي اقل تكلفه ومن وجهة نظري ان ضحايا الشعار والقنوات اكثر من ضحايا الاسهم نرجع لشعار المنتدى بين الحين والاخر نشاهد طرح محاورات شعراء الميدان لنقد والتحليل في هذا القسم لماذا تجاهل محاورات شعار المنتدى ليش مايطرح على الاقل كل اسبوع محاوره حتي تتم المقارنه ودي وتقدير لك |
| الساعة الآن »09:27 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd