ماذم اعتيبه الهيلا هل الهيبات والوقفات = لكن انت السبب ياعود ابو شعله ودخاني
انا ماودي افرح فوقك العدوان والشمّات = قريت اسمك ولا فاسمك خطر ياللي تحدّاني

ترا غيبة تعرفنا عليك من ابرك الغيبات=لكن انت استخير ان جيت للميدان عجلاني
انا ماني بحايص عن دروبي وانت الك حوصات=ولاجت للخطورة يالحصيني مالك اماني

ترى حبل الشقا ملوي على راسك عشر ليّات = انا ابنصحك لاتغدي عشا للذيب سرحاني
تدوّر للدعاوي والطلايب مالديك اثبات = انا تاركك في شانك و خليني على شاني