بن شديد شاعر مافية كلام اما انه تغلب على المنصوري هذي كثر منها ،
اقوى شعراء شاركوا في البرنامج
التصنيف الاول
فالح الغنامي
عبدالحميد الفهمي
زيد المري
التصنيف الثاني
علي العضياني
مرهب البقمي
محمد بن شديد
فهد الغنامي

اما من ناحية التصويت
فلا قحطان دعمت الدعم المناسب ولاالبقوم مع احترامي لهم ولم يكن لهم تأثير كبير في التصويت
المنافسة كانت بين الخيارين رئيس الديوان الاميري في دولة قطر والشاب خوي السعد وحبكوها عوال الشايب بطريقة اقل مايقال عنها انه غدر مع احترامي لهم ، وهم ليسوا اهل الغدر ولكن في هذي غدروا بخوي السعد وبزيد المري اذا قلنا ان فالح وعاضه وعبدالحميد سلموا راية التصويت من بدري، حيث اعلنو دعم الخيارين باربعمئة بطاقة وقفلوا التصويت في لحظتها وعندما اتى خوي السعد ليضيف مزيد من البطاقات قالوا خلاص الوقت انتهى

أخوي أبوفايح : بن شديد يلعب من سنين وفوزه في برنامج شاعر المعنى ماراح يرفع بن شديد سيبقى على حاله مثل قبل ومن وجه نظري مثل بن زهره اعلام والنهايه لاتوجد شاعريه مجرد صف كلام والبرامج الشعريه فاشله دامها تعتمد على التصويت وليت قحطان دعمت لها شاعر يستحق الدعم ..
تحيتي ,

أولا : الف مبروك لإبن شديد ولقحطان الفوز بسيف شاعر المعنى

مبروووووك لأبن شديد ولقحطان كافه الفوز واللقب

ثانيا : انتهى شاعر المعنى ولكن ماذا خرجنا به مما فات في مجال الشعر !!؟؟

يقول فالح الغنامي في محاورته مع كامل الحليلي (( بعد صدر حكمها قابلت مضمونه بكل احترام ==اقولها والعرب من عصر ياكامل يقولونها))

البيت هذا من احد شعار المسابقه وهو شافي وكافي لجوابك يابوفايح

ثالثا : من سيبقى فالاذهان ومن سيغادر ومن سيكون بين وبين يعني لا حي ولا ميت !!؟؟

والله هذي تعود للحظ يابوفايح .. كم من شاعر الآن في الساحه يملك جماهيريه كبيره وجارفه وهو لا يعرف من الشعر الا الوزن والقافيه .. وكم من شاعر بارع في الشعر ولكن غير مقبول وغير مرغوب عند الجمهور

رابعا : هل سيكون ابن شديد فقاعة صابون مثل أغلب الذين فازوا بالمسابقات الشعريه أو شاركوا بها !!؟؟

للأمانه ابن شديد موجود في الساحه قبل المسابقه ولكن بشكل متوسط وهو يعتبر من شعراء الوسط
ومن المتوقع ان يخدمه اللقب في الظهور اكثر ومزاحمة الكبار وهو مهيأ لذلك لأنه يمتلك جميع ادوات الشعر

جميع ما ذكر رأي شخصي قابل للخطأ وقابل للصواب

هذاوالله اعلم

ااعتقد ان الاخوة اشبعوا الموضوع نقاشا

واضيف


ان العضياني وفالح والفهمي هم من سيبقى شعرا

وكاريزما مرهب والمرزوقي ايضا ستبقيهم

وتحياتي

ماننسى زيد المري كان ملفت في المسابقه وخااااصة محاورته الاخيره مع سلطان الهاجري "

كان نقضه قوي جدا ً لبدعة الهاجري "

بدعة سلطان الهاجري "

ربعنااللي غزو مع غزوة مهنا
كيفوهم من البراد والدله
لحقت الخيل واللي فوقها منا
فزعة ماتضريها على الذله


رد زيد المري "

وانت يالهاجري رد الخبر عنا
وانهج انهج على الدستور والمله
مانبا بيننا حنا و لا حنا
ليتها ليتها بالسيف ابو سله

ابوفايح
الدعوى مالها دخل بالشعر الدعوى فلوس × فلوس اللي يدفع اكثر يحصل على اللقب بكل سهوله.

بالنسبه لطاروق المنصوري وبن شديد

يقول سلطان المنصوري :


ياسلامي سلامٍ ماعليه اعتراضي = قالها اللي فتل جزل البيوت ونقضها


محمد بن شديد :

انت هرجك صحيح ولاعليه اعتراضي = من نقضها فتلها من فتلها نقضها





!!!!!!!!!!!!!!!!!!!!!



حسب أصول المحاوره المعروفه يجب عدم استخدام قافية الشطر الاول او قافية الشطر الثاني

من الشاعر الخصم اذا كان زميله قد سبقه عليها فيجب عليه عدم تكرارها بل يأتي بغيرها

من قاموس مفرادته الشعريه اذا كان وسيع معرفه .

ليته والله مطول خربان :D

حين جاء وليا فيه موضوع غادي :p

مبروووك


كنت متوقع المري لكن مدري وش غير سياسة التصويت في قطر ........................؟؟

ودي اعرف دور ناصر القحطاني وترززة الزايد بالبرنامج ........... ولا ادري متى بنخلي لبس البشوت ونفخ اللي على في غير مكانة