سعود العصيمي =

حي الله اللي حضوره ينشري بالذهب = الشاعر اللي يبيع ويشتري الغاليه!!
الليله السالفه فوق البعير الصعب = الليل ياصاحبي ياطيب الفاليه!!

محمد الروقي =

الله يبقيـك ياأستـاذ شعـر الأدب=لو كان مرتك تخلطها مـع الحاليـه
الليله السالفه عندك في حسن الأدب=ياطيّب الفال مدري طيّـب الحاليـه

سعود العصيمي =

يابو لهب وش نسوي فيك ياابو لهب = سنينك الاوله ماهي كما التاليه!!
كم قلت لك لاتدخل في صفوف العرب = لكن اشوفك على العربان مياليه!!

محمد الروقي =

النار ياسعود تالع من شراره. لهب=وابو لهب منقتل ماهـوب قتاليـه
كلمتك هذي تـرا والله ماتنعـرب=ليت العرب تحسب الكيلو والامياليه

سعود العصيمي =

شعر المعاني على حسب الطلب ينكتب=واللي على باليه خله على الباليـه؟
وان كان مامعك صرفه لاتجي فالطلب=غيرك رجال ٍ تسد ابكل الاحواليـه!!

محمد الروقي =

ياسعود مالك مشاريهن عليّ وعتـب=شاعر واغني مـن الالحـان مواليـه
اصرف ذهب كان ماتهرج هروج الكذب=كلمه و تلقـى بدلهـا معـي طوّاليـه

سعود العصيمي =

اللي يعرف الحساب يعرف ويش إيحسب=ياشاعر لك مقام ومنـزل(ن) عاليـه!!
عطيتك العلم مير افتح سموعك وأجـب=لامشي لحالي بدربي وانته إلـ(حاليـه)؟

محمد الروقي =

تبرق وترعد ولاتمطر علينا السحب=وماشفت من دلة الرسلان فنجاليـه
الناس بالطيب تمشي ماتجي بالغصب=لو كنت ياسعود في تال الزمن واليه

سعود العصيمي =

دامك مع اول ملف يواجهك تنقلـب=ماعاد ودي عليك اولـع الصاليـه.
عجيب علمك هذا ياصاحبي ياعجب=بعض الدعاوي ثمنها قرش ورياليه؟