| معجب العتيبي |
23-Nov-2010 02:09 AM |
ضاوي الشيباني
ياسلام الله عليكم يالرجال اهل الكرامه=الرجال اللي تعزوى فالمواقف وتحميها
قوم يامعجب تقدم والبحر تسعين قامه=فيه جمله يالعتيبي واكمل انته مايليها
معجب العتيبي
مرحبا ترحيبة تبعد عن دروب الغشامه=بالرجال اللي مواقيف المراجل تهتويها
هات علمك ياعميل الخير واحرص للعلامه=والدروب اثنين ياضاوي تخيّر في حديها
ضاوي الشيباني
البقا ياالشاعر اللي ماتغير في كلامه=كل كلمة طيب فالميقاف دايم يبتديها
نمشي الدرب الصحيح ولامشينا بالملامه=يوم بعض الناس يارجال مايقدر يجيها
معجب العتيبي
كل درب وله حدود وكل ميدان ونظامه=ودنا الليله تكون السالفه منها وفيها
نعم رجلٍ لا اشترا يبعد حلاله عن حرامه=والنواقص لايبيع ابها ولاهو يشتريها
ضاوي الشيباني
الخطوط الصفر لازم فوقها نازن علامه=لكن انته ددسنك يارجل خربانه يديها
بس بعض الناس اشوفه صيدته دايم هلامه=مثل ماقال المثل خله لحاله يشتويها
معجب العتيبي
ياجماعة خير شوفو ا صاحبي ضاوي علامه=قام ياخذ من حلالي والموارد يرتويها
خله يفارق بصيده من ارنبه والا حمامه=وانت خلك في دروب العز مع منهو يبيها
ضاوي الشيباني
لاغزينا القوم نكسب مانعود بالندامه=نكسب الخيل الاصايل والعدا نسيطر عليها
المراجل ماتهيا للذي ساسه رخامه=وهرجتك نمسح عليها يوم يمي تحتديها
معجب العتيبي
صاحبي يوم ابتدا حلمه درينا عن منامه=ليتها ماتبطي الغفوه معه يوم يغفيها
يابن مشيب ليش راع الرمي غير في سهامه=يبدو ان النفسه مرخصها ولا اضنه يبيها
|
