| معجب العتيبي |
15-Nov-2010 06:19 AM |
علي الشهراني
بسم الله ابدا و االسلام اشمام و الماقف صعيب=تسليمةٍ ما كل شاعر لا بدا يبدابها
الرميه اللي فالظهر يا الله عساها ما تصيب=يا الله عساها رميةٍ دون الهدف مضرابها
معجب العتيبي
يامرحبا ترحيبةٍ لو صادفت مرهق يطيب=ترحيبةٍ تنصا المسلم وان زعل يرضابها
ماهيب من حظ الرجال اللي يضدون الحريب=ياعلي ماقشر وصفها ياعلي قل وش جابها
علي الشهراني
الك البقا يا الشاعر اللي لو ينادى ما يجيب=اقولها و الكف يا معجب نشوف اخضابها
نصيحتي خلك مع الاحداث و افطن للقريب=مالك و مال جبال بقعا يا رجل و هضابها
معجب العتيبي
مدري تغنيها طرب والا من اسباب الحبيب=دققلها قدام تنطقها وفك ابوابها
ترا القريّب درع جنبك ياعلي ماهو غريب=والثانيه مابحث خفاها والبعيد اولابها
علي الشهراني
لا و الله الّا من مواقيفٍ بها العاقل يشيب=يا اللي تشوف العين وش بك ما تشوف اهدابها
بكره ليا بان الخبر و احتار فالطب الطبيب=تلقى العرب تبكي و تشكي من كبر ما صابها
معجب العتيبي
ماشابت رموش الرجال الا من اليوم الصعيب=فالاخره والا ترا الدنيا بسيط حسابها
نور القمر لاغاب نور الشمس عقبه مايغيب=سنة عزيز الشان في كونه وجف كتابها
علي الشهراني
روس المنابر كل يوم و ليل يرقاها خطيب=لكن من هو يعتزي و يقوم في محرابها
تبا تضيع احلامها ما بين مطلوب و طليب=و اللي ستر بنت العرب بكره يشق اثيابها
معجب العتيبي
روس المنابر يعتليها الشيخ ابو قلبٍ منيب=اللي معه مصحف وسنة مصطفى يقرابها
لاصارت العصمه بكف اللي لهم رايٍ صويب=ماهمها ناسٍ عليها يفتنون اشنابها
علي الشهراني
عجيب و الله يا زمن بيّنت لي شيٍ عجيب=ام الكباير نالت اعجابك و نلت اعجابها
لا هلّ سكّاب المطر يسيل بالسيل الشعيب=و الخيمه ام اطناب ما يبقى يكون اطنابها
معجب العتيبي
ياجعل ضنك في عميلك ياعميلي مايخيب=وام الكباير ياعلي ماتنومن فاحبابها
ياعل وبّال الحيا لامر في وبله يطيب=وينوبنا منه الحيا والناس تنسى اتعابها
علي الشهراني
الشك زايل لكن السر الخفي وضعه مريب=له خطةٍ يا الله عسى روس العرب تصحى بها
الطفل لا صايح يقولون العرب يبغى الحليب= و اقول انا يا الله تحمي ضرسها من نابها
معجب العتيبي
مالا كتب لك ياوسيع العرف ماضنه يصيب=والحرص واجب والنصيحه فالعرب من عابها..؟
خلك على واجبك واخذ العلم مني يارقيب=واحرص على الموجود لايشغلك طرد غيابها
|
