لاوالله الا غبي في دار صاحين=ماتملك من العقل ربع الجرامي
مفروض يعطونك عتيبه وسامين=واحد مايكفيك ،وانته ماتلامي

من سب ربعه وخلاهم مجانين = لايرفع الخشم ويعارض كلامي
رح فتش المقبره هالحين هالحين = قدام الحقك معهم يالتهامي

الدين ياصحابنا مايقضي الدين=لكن خلك كريم مع الكرامي
المقبره من عضيلات لموازين=ماعاد خلو جثث فيها عظامي

وراك تاخذ يسار الدرب وايّمين = اللفلفه ماتكسبك احترامي
من كثر مقّرا علي رؤس الشياطين= والله ماعاد تظهر في منامي

انت احترامك يوصلني على وين=ماانت بحبيب ولانته بالزلامي
الحبه اللي براسك راحت طحين=ماعاد في خشمك الليله عرامي

الخير كله معك ياتركي الفين = قلقس وياخذك للخط الامامي
ياواد عيد النظر تضحك علي مين =لسّاع ماخذت طلقه من حزامي

عديت واحد وعدينالك اثنين=والمشكله واحدن بياع خامي
اخذ من حزامنا نسعه وتسعين=هاذي تسدك مدام الرمي حامي