المشاركة الأصلية كتبت بواسطة سلطان طلحة (المشاركة 1115848) مازن الشيباني مادام ان الذيابي شاعرن يلعب على المكشوف=ابى اسل له سيفي ثم اغـزه بيـن حجانـه يماري في فعولن صيتها بين العرب معروف=وتاريخ العرب ماشفـت فيـه فعـول جدانـه غالب الذيابي ليا وريتك الشارد يصيبك ربك مدري خوف=تبا ترجع لبوك تخاشره فـي زاد ورعانـه سقى الله يوم هاك الوقت حنا فاليمين سيوف=نحر شيخ العرب حمراه وابهج كل جيرانه مازن الشيباني اي بالله خفت يوم انك توريني وفيك ظـروف=وبعد اسبوع لازالت ظروفك جيت مـن شانـه ونعم بروق يوم ان المغازي . . حملها مشعوف=ولكن الذيابي . . ماحضر مشغول في ضانـه؟! غالب الذيابي انا باعي طويل ودوم خصمي بالخطر محفوف=كلامي مزن يرعـد راعـده ويهـل ربانـه ماتوخذ لك شهادة وادري ان اسمي يلوفك لوف=وراع الجود يجدع حيلهـا لعيـون ضيفانـه مازن الشيباني علومك سبّبة تفريق فالعتبـان ياملقـوف=ذيابـيٍ مذبـذب معرفـه راكبـه شيطانـه حديتك لين سجلت اعترافك والرجال تشوف=ذيابي لو تدين (تيس) يرهن فيـه شيبانـه غالب الذيابي تراها حجةٍ ماتكبر الا في قلـوب ضعـوف=تعلّم كيـف تفلـج حجـة الرجـال بلسانـه انا ماني من اهل المندي اللي يندفون الصوف=انا اللي ماذبحه دعاك لو جمعـت عدوانـه مازن الشيباني ذيابيٍ يهددنا وهو بين العـرب مكتـوف=بعد ماجيت له حطيت راسه بين كرعانـه والا يالآد ذايب كيف هذا تالي المعـروف=نسيتوا من حماكم في مقر السرح وازمانه

عليك الجيش درهـم والمعانـي صفهـا مـردوف=تبا تحما المكان اثبت ، تبا الدرب السهـل عانـه
هذاك الكم مقرٍ (ن) حاضنه رضوان حضن الجوف=مـن اسبابـه علـيّ قلوبكـم بالحيـل وجعـانـه