انته توصينا وحنا اللي على الطاله نزود=لكنك افلح والحق اركاب الوجيه المفلحه
اجنازة الميت بعد ماحوّلت وسط اللحود=نبشت وجاء الدكتور للميت وقام يشرّحه

اللي هجوسه كل يوم تناجي الماضي يعود = لاتأمنه يقفي ويرمي عن متونه مشلحه!!
السر مطوي في كفن في مقبرة عاد وثمود = كم واحد ياقف على شانه وحظه يطرحه!!

حتى لو انه عاد ماله فيه مداتٍ تجود=الله يحفظ للبنوك اموالها اللي مربحه
اللي تشوف انه جمل تراه فالواقع قعود=وان كان حمّلته بحمله راقبه لايسدحه

فقيه لندن مايغير بالحكي حكم السعود = يسب فيه الله يبارك فيك والا يمدحه!!
انت تشوف السود بيض وتحسب ان البيض سود = هذاه مضمون الكلام اللي كلامك يشرحه!!

ماجد السميري=

الليله الليله بعد جينا على حسب الوعـود=بدى لزومك يالجذع جوّد حزامك وانطحـه
الليه يبارك في جهودك يوم حثيت الجهود=ورسمت في وجه اليتيم البسمه اللي تفرحه

سلطان الجذع =

الليله الليله مقامك صعب والوقـت محـدود=ياشاعرٍ علقت روحك فوق خيط المسبحه!!
انته وصلك الدور وابشر كان زكوك الشهود=غير الاجر والله مالي يالسميري مصلحه!!

ماجد السميري=

في لازمي كل الصعايب من تحت عزمي سهود=ياشاعرٍ مديت روحك فوق قطـن المطرحـه
ترا زكاة المـال ماتقبـل علـى راع النقـود=دوّر لهـا محتـاج يامـال الغنيمـه تسمحـه

سلطان الجذع =

ارفع نظر عينك على القمه ترى المرقا سنود=كانك من طيور الهدد عندك مخالب واجنحه!!
مايضحك التمساح فالغبات ودموعه شهـود=ماهو بمثل الحوت الازرق كل بحرٍ يسبحه!!

ماجد السميري=

انته توصينا وحنا اللي على الطاله نزود=لكنك افلح والحق اركاب الوجيه المفلحه
اجنازة الميت بعد ماحوّلت وسط اللحود=نبشت وجاء الدكتور للميت وقام يشرّحه

سلطان الجذع =

اللي هجوسه كل يوم تناجي الماضي يعود=لاتأمنه يقفي ويرمي عن متونه مشلحه!!
السر مطوي في كفن في مقبرة عاد وثمود=كم واحد ياقف على شانه وحظه يطرحه!!

ماجد السميري=

حتى لو انه عاد ماله فيه مداتٍ تجـود=الله يحفظ للبنوك اموالها اللي مربحـه
اللي تشوف انه جمل تراه فالواقع قعود=وان كان حمّلته بحمله راقبه لايسدحه

سلطان الجذع =

فقيـه لنـدن مايغيـر بالحكـي حكـم السعـود=يسـب فيـه الله يبـارك فيـك والا يمـدحـه!!
انت تشوف السود بيض وتحسب ان البيض سود=هذاه مضمون الكـلام اللـي كلامـك يشرحـه

يالوكري اللي كنت مابين الذواري والعمود=اليوم تكفخ بالجناح وكل مقفي تشبحه
الفارس اللي فالمعارك يدخل عظامه برود=يبى يفشّل واحدٍ تحت البيارق رشّحه