| سعود العصيمي |
27-Oct-2010 10:40 AM |
ناصر الجلاه =
أدور سعد لي مـدةٍ مالقيتـه ويـن=يغيب العصيمي جعله في غيبته خيـره
هلا مرحبابه لإن حضر صامل الزندين=يطيب الهجوس ويدلي الدلو من بيـره!!
سعدالعصيمي =
سعد صامل الزندين حاضر مع الصفين=وهاجسك لامنه حضر دق تحجيـره
يدوم البقا والعلم هاته يابـو شريـن=لك ايام دربيلك معك تسبر الديـره!!
ناصر الجلاه =
أنا معك كيف ابدى من يسار وألا يمين=مادام إن قدامـي ملـفٍ وتدويـره
أشوف الكوارث كلهـا فالعراقييـن=يصيحون في كركوك وفجيره فجيـره!!
سعدالعصيمي =
ابا احط راسك تحت سيفي تروح منين=انا عنك ياناصر ابـا بـس تاشيـره
ليا شفتهم عود على ام الدلال الزيـن=وانا اكفيك كان الحرب دقو على زيره!!
ناصر الجلاه =
نصيحه ترد السيف لا حزة الغازين=هجومك دفاشة و أبرة البنج تخديره
أنا مشكيت الحال ياحالة المسكيـن=اشاورك واللي يستشيرك كذا شيره
سعدالعصيمي =
حرفنا البنادق بعد شفنا غـراب البيـن=نحب الرمي لكن بعض الرمـي عيـره
انا كيف ابضحك والعرب للقنص مقفين=وراعي سنام ازرا يجيب العشـا طيـره
ناصر الجلاه =
على منهج الصاحين يامشقي الرجليـن=لاتجلس مع المجنـون ويجيـك تأثيـره
اشوف العرب تدفع على أرواحها التأمين=وراعي سنـام يسـد فعلـه وتعبيـره
سعدالعصيمي =
ترا ماعليه كانهـا اشتبكـت الخطيـن=هذا عندكم ياهـل التلافـون تدبيـره
عسى عمر ابو تركي يطوول وقول اميين=هذا الشاعر اللي كلنـا مانبـا غيـره
ناصر الجلاه =
نشيل الظفيره ثم نشبكلـك السلكيـن=ولعلع وروح ب/جرف لا بطن دحديره
هذا شاعر الروقه وبرقـا بـلا تخميـن=عسى الله يطول عمر من سيرته سيـره
سعدالعصيمي =
انا ماني ابسكرابك اللي شريته دين=من اليسر ادفك بالاصابع مثل قيره
الله الله
صحت السنتكم وبيض الله وجيهكم ايها العملاقين
وانت يابو مطر تستاهل اكثر لاعدمتك.
|
