تقولها واتنفخ الجمر ياشريم = من عقب كرمتك ياراع اللتيحه!!
مايجفل الا لابسات الملاثيم = وش استفيد اقدح براسك قديحه!!

سعوود العصيمي =

تعال ابا اسولف معك يابراهيـم=واعطيك باقة ورد والا نصيحه!!
مالك ومال مقلبيـن المرازيـم=جلابـة المترديـة والنطيحـه.

إبراهيم الجذع=

أنا ليا جيتـك عكسـت المفاهيـم=والدار لو تحما الحما نستبيحه
الشاعر اللي خاض كل الأقاليم=ما هز راسه مثل راس الذبيحه

سعوود العصيمي =

حنا نوفي في جميـع الملازيـم=ونصك باب الريح لاجاب ريحه!!
في كل وادي مع هل الهيم وتهيم=واللي سواتك فالعرب مستريحه!!

إبراهيم الجذع=

أنتم كفو وسيوف ماهيـم مثاليـم=لكن من الميلات ماهي صحيحه
السيل ما يتبعه يا صاحبـي ديـم=جبنا علاجك يا القلوب الجريحه

سعوود العصيمي =

ماجاك منا غيـر فعـل الشغاميـم=علومنـا قـدم الاوادم صريحـه!!
لو ان دمك مـن دمـي المخاريـم=ماقلت ليش اتخيل الك كل ضيحه؟؟

إبراهيم الجذع=

بين الليال الوضـح ويـا المجاهيـم=مـا جيـت ادور مـد يمنـاً شحيـحـه
خابرك تجفل مثل مـا يجفـل الريـم=لو كان ما توحي من القوم صيحه

سعوود العصيمي =

تقولها واتنفخ الجمـر ياشريـم=من عقب كرمتك ياراع اللتيحه!!
مايجفـل الا لابسـات الملاثيـم=وش استفيد اقدح براسك قديحه!!

الرزق من رب الخلايق مقاسيم=العقل صاحي والسنتنا فصيحه
اليا حضرنا يرتخاً المحازيم=راع المنيحه ما يكب المنيحه

الصاحي العاقل يحل المباهيم = ماهوب منهو فيه قومه وطيحه !!
حنا نجومآ ماغطى نورها الغيم = ياراعي الجوال طف الشريحه!!

بعض العلابي لايقه للمحاجيم=من حط الك محجام ربي يبيحه
من دون دار القوم حد ومراسيم=ومن لا تقاضا حي يلقا قميحه

المشاركة الأصلية كتبت بواسطة جلال العصيمي (المشاركة 1114654) حنا نجومآ ماغطى نورها الغيـم ياراعي الجوال طف الشريحـه ههههههههه صح السانك بس بغيتك تجيب علوم الاكراد بس ثقيل العصيمي