الليل هذا ليـل ساريـه مانـام=قم يابن روق وراية الدين خضرا
حنا وثقنا فيك يانسـل الاكـرام=وانته مثل من قام للحمـل وازرا

الله يديم الامن ويعز الاسـلام=تعوذ من ابليس مافيـه مسـرا
عقب المجاعه نوكلك خبز ويدام=واليوم نارك يابيض الوجه كبرا

انا ادري انك تكره عيال غنام=ونيّتك من يم الغنانيم قشـرا
لكن ياماجد ترى العز مـادام=يكفيك فعل الوقت بكنوز كسرا

كل العرب عندي سوا تحت الاعلام=اآهل دعيكه مثـل سكـان شقـرا
بيت الكرم في ظله تعيش الايتـام=لو طاح رحت بحرب داحس وغبرا

المشاركة الأصلية كتبت بواسطة معجب العتيبي (المشاركة 1111055) ماجد السميري صح لسانك ملايين ردود وافيه من شاعر مبدع

الناس من حول 1400 عام=تمشي بوسط النور ماهي بغدرا
عبيد لله مايعبدون الاصنام=سواع وعياله يغوثا ونسرا

لاوالله الا طالت يدين الاقزام=اللي منول اول فشهب الال فقرا
الله يبارك فالرياجيل الاعظام=راحت لغابيبك من الخير حمرا

لاتفتخر لو قمت اسميك ضرغام=ماغير زاري واكثر الناس تزرا
الوقت هذا وقت غتره وهندام =ماهو بوقت خيول حمراء وصفرا

المخرج اللي يضبط ادوار الافلام=لاشك دوره صار فالفلم حدرا
آجل تريّح من تحت عدل الاحكام=حذرى تغامر فالسوالف وتجرا

اللي يلومك يصبح اليوم ملام =عن ماحصل ماضننا منك بدرا
ودك تبا تسبق ذعاذيع الانسام =ولا انته بلا تكتب ولا انته بتقرا