| سعود العصيمي |
13-Oct-2010 03:50 AM |
سعود العصيمي =
مرحبا بالشاعر اللي حضرته تكفي غيابـه=عد ماهلت ثعول العرش واسقت كل وادي.!!
قدر سلطان الرويس لياحضر قولت هلابه=والعلوم الثانيه في دورها والنـور بـادي.
سلطان بن دحيم =
البقاء بالشاعر اللي فاللقاء يحسب حسابه=عد ترديد العزاوي دون مقرعت التوادي
ماتهون ولا يهون الطيب بموقع عتابـه=مير هات العلم واخذ العلم ماني بمتحادي
سعود العصيمي =
كل بيت ٍ شرقي اقفل ياوسيع العـرف بابـه=وانتبه للمهره اللي من جبل سلمى وغادي!!!
بعد ماجاك السؤال اللي نبـي منكـم جوابـه=لاتغير فالجواب ولا تقول الوضـع عـادي!!
سلطان بن دحيم =
ما علينا خوف دام السيف عـزه مـن نصابـه=وقبل نعرف من هو الصاحب عرفت اسم المعادي
والله اني حاسب ٍ لاايـاب وقتـي مـع ذهابـه=مير والله ما احد ٍ يفرح سبـب كبـوة جـوادي
سعود العصيمي =
وسـع النظـره شويـه فالقرايـة والكتابـه=واعرف اني درع جنبك فالصباح وفالهجادي!!
انت وش خلاك مع خنذف تهاجر عن شبابـه=لاتلـف ولاتـدور ولاتصيـح ولاتنـادي!!!
سلطان بن دحيم =
اعرف اني ما تجاهلـت العنـوه والقرابـه=وخابر طيور العشوش وخابر طيور الهدادي
استفدت من التجارب والمخادع وش نبابـه=والهلالي لجل مصلحتـه يـزور الاتحـادي
سعود العصيمي =
انت يابن دحيم ذيب وواجهك ذيـب الذيابـه=فارس ٍ لاواجهك شالك على ظهر الجوادي!!
الرويس اليابتدا بالعلـم الابيـض مانتهابـه=له عيون ٍ يوم اوصفها كما عيون الجرادي!!
سلطان بن دحيم =
انت يا سعود العصيمي فيك ميله وانقلابـه=مر في علمك بياض ومر في علمك سوادي
انت اظنك تحسب انك صرت عضو ٍ فالنيابه=وانت لا هالحين توك واسمع العلم الوكادي
سعود العصيمي =
اعلم ان التابعي نهجه علـى نهـج الصحابـه=وان حصل لك لغز حله وانت ابو رايآ سدادي!!
روح دق العـود ياسلطـان والعـب بالربابـه=واسترح يااللاعب الحريّف في وسط النوادي؟؟
|
