ما للمسلسل على قول المثل طاري = والعام يعرض على دبي الفضائيه "
وانته تبا تسمع الاخبار من غاري = هذا السنه غيبته ماهي بعاديه

سلام ردية ٍ مفعولها ساري = امصرحه للسفر برى السعوديه
قم يافهد وانصف الكاتب من القاري = مادام الاخبار لاهالحين سريه !!

يامرحبا والفكر ماهوب محتاري=مادام انا وانت ناس ٍ دبلوماسية
السوق مفتوح للبايع وللشاري=لكن لاتامن القوم الشريطية

اغليص ورطان والسبه من مكاري = وهذا الخبر نسبته 90 %
انا مع القوم لصي وانته صراري = ابناء ثبيت وهويتنا عتيبيه !!

لاصار ورطان اظنه لازم يداري=العارفه طول عمره يبلشه عيه
شبيت نارك وانا ماتنطفي ناري=من ماضي الوقت حنا نارنا حيه

ما للمسلسل على قول المثل طاري=والعام يعرض على دبي الفضائيه "
وانته تبا تسمع الاخبار من غاري=هذا السنه غيبته ماهـي بعاديـه!!

لو الممثل يزيد الهرج ويماري=شخصيته فالعمل ماهي حقيقيه
والشيخ مايكتسي ثوب الشرف عاري=رح علم اللي عطيناه الاماريه

اللي فيمناي عانه عود ايساري = والفلم يعرض بالابعاد الثلاثيه
لا تحسبنه على قولك ماهو داري = مير ابتلش بين سم الداب والحيه