لاركبنا للمغازي في ظهر بنت الحصاني=ويش عند الشاوي الفقران حتى انا نحوفه
بعد جاك العلم الاول عندنا لك علم ثاني =والله انك لو تعود مانلحقك الحسوفه

الغشيم اللي يجيب العيد قدام ارمضاني=لو يقوم ايقدم الاعذار ويبرر ظروفه
الله اللي عالمٍ وحده خفا والا بياني=والا اعرف وش بقلب الرجل حين اسمع حروفه

بشروني فيك قلت صحيب درب ولا خفاني =بيني وبينه تحن ام الحوير ومعطوفه
انت عزٍ للرجال اهل الكرم واهل الصواني=والله انك تغني الرجال لاحلوا ضيوفه

فعلنا فالقوم اظنك شايفه شوف العياني=لا رمينا بالمشوك روسهم راحت علوفه
أنت لا تقعي وزان اللي يشوش بالاذاني=علموا حاكم قبل نعميه ونقز بلوفه