العمــــــدة

يا سلطان الرجل لاقل ماله يستلف له مال=ولا يقعد يهز الراس ويووجل مشاريعه
ترى ربعك عتيبه جاهزة بالمال والا الحال=ليا سجلت رقم ابشر بعزك واس تربيعه

سلطان الجـذع

يدورن الليالي والوفاء مع صاحبه لا زال = لكن الوقت لن ماطاع ابا امشي معه واطيعه!!
تعلمني وانا اعلمك هذا العلم ماينقال = ترانا من يسر نشري مثل شرواك ونبيعه!!

العمــــــدة

تقوله والقصر شهــــــرين بابه فوقه الزرفال=وراعيه العرب بادين في ذمه وتشنيعه
امامك جيش وخلافك بحر موجه شديد اهوال=دقايق والفتى ما نلمح الا روس اصابيعه

سلطان الجـذع

كثر ذنب العباد اللي من اجله وقّف الهمال = وجملنا من ثلاث سنين مازانت مرابيعه!!
تركد لاتروح لحال وعلومك تروح لحال = ولاتنسى صقيلٍ ما نسى قلبك مواجيعه!!

العمــــــدة

شكى الجمال وقته مير من حوله 100 وبال=لو انه مرهم في ساعته حلوا مواضيعه
انا خابرك يا سلطان مانت اعور ولا دجال=ذياب الريع جوف الريع ما تخشى جرابيعه

على كل الموارد للجذع درب ودلو وحبال = ماغير اثنين فيها يذكر الظامي منافيعه !!
نبا نأخذك بالمعروف والا حيلة المحتال = لأن الدين ينهانا عن الآآآمن وترويعه!!

امامك جيش وخلافك بحر موجه شديد اهوال
دقايق والفتى ما نلمـح الا روس اصابيعـه


ههههههه

اما يسلم منحاش ولا غرقان
يهيب يارعد

تركد لاتروح لحال وعلومك تروح لحـال
ولاتنسى صقيلٍ ما نسى قلبك مواجيعه!!

( حترامي هنا ياسلطان )

انا خابرك يا سلطان مانت اعور ولا دجال
ذياب الريع جوف الريع ما تخشى جرابيعه

نعم نعم

الله الله الله

الله الله

الله

متاااااااااااااااااابع ونص

هذا وقتً مضى واليوم لا مخرج ولا مدخال=تجمع من ذهبنا المعتبر وتعيد تصنيعه
رجل يوزن بضلع ورجل ميزانه بحبة خال=وانا ما اضحكني الا الموتر اللي بان تقطيعه

على الله مع متاهات الخيال وضحكة الجهال = لو املاكك قروشٍ من زكاة المال تجميعه!!
لو أن الثوب الابيض فيه ياطير السعد رجال = طلع للناس بالوجه الجلي واثبت مطاليعه!!

على وضح النقا ما نتقي والعقد له حــلال=سكنا العاصمه والا انت اظنك ساكن الضيعه
قناة الواحة اللي كل مدة تقطع الارسال=ماهي مثل الصفا اللي كل ساعة تدحر الشيعه