الله الله يارجالٍ تعبد العوجاء عبادة = كل ماجاء واحدٍ منهم على متنه نسفها!!
عام الاول قلت يوم أوصيك ( راسك والوسادة ) = ماانت ناقص من بحور المعرفة يوم تغرفها!!

ما عبدنا الاّ الله اللي مطّلع على عباده=( والهنود الحمر فوق متونها تنقل خصفها )
كان بحر المعرفه ماينقصه عرفك مازاده=ماندوّر معرفه فالوقت سلطان يعرفها

خلها ياطير بن برمان في حلقك قلادة = بارك الله فالموصف والوصوف اللي وصفها!!
من طويق المعتلي وش شافت عيون الجرادة ...؟ = كان ماخفت الظليمة شرهة العقال خفها!!

صاحبي يوم الهوى ذعذع على وجهه براده=جاب راس غليس ,,, لون المسيره مانصفها
من طويق نهدلك صقر (ن) ينومس في هداده=كان ماشفت الصقور النادره ,,ميلتك شفها