سلام الله سلامن يشرق امن الغرب فوق الناس=ليا صار الدجيماء بينهم خايف ومرتاعي
ليا برقا غدت حدر المسيل وضِيّع النوماس=يبا الله ينعم الروقه بذودن يلحقه راعي !!

لفا نمرود من ديرة مطير يزكّي الهلاس = ابا ارحب مجامل دام جايب كذب وخداعي
ترا برقا وروق اثنينهم عينين وسط الراس = وذكر اللي مضى يااصحابنا مااشوف له داعي

ولو إنك تعرف الحقّ ما جنّبت لك مدساس=نجيب العلم وافي وأنت ما جاوبت ياواعي!!
ياليت الناس تعرف عن خفايا تبعث الوسواس=على شان الغني يصبح على البيبان جوّاعي!!

انا اجاوبك حسب اللي اشوفه زين ياعساس = واعاين فالسما مالي دخل فاللي على القاعي
نصيحة لايجيك الشك ويوسوس لك الخناس = ترانا مانحب نثير للأصحاب الاوجاعي

أنا أشوف العرب واجد وكلّن دقّ به هوجاس=يشوفونك بعلمن زين مير العلم ما ذاعي!!
ليا من غرّك امن النّاس سوقٍ به ذهب وألماس=تجيك امن الذّهب وزعه على الصّاعين والصّاعي!!

ترا العالم تحب الشخص من علمه وطيب الساس = ومن لايقبلونه فاعرف انه خايب الناعي
انا اشوف الضيوف كثار احد زائر واحد جساس = وكلن ياخذ المكتوب واللي لجلها ساعي

ليا من صّاروا العالم خبول وجالها موناس=من اللّي يتبع المجنون غير الخبل والدّاعي!!
صّبرنا وأسّتعينا بالرّجال اللّي لهم نبراس=ولكنّ العيون اكبار مير الشّوف ما طاعي !!

اقدر صاحبي لينه يحط السم وسط الكاس = بعدها ماني بصاحب له ولاني بفزّاعي
الك وجهين احد طيب واحد بيّن عليه الباس = وابو وجهين ماعمره شرى غالي ولاباعي

ليا عيّنت لك بين العرب صاحب يبين الياس=ليا كثروا لك الأصحاب ماتلقى لك السّاعي!!
أنا معطيك غصنٍ به ثمار ودلّه او محماس=وأنته تدسّ الطيب من يدينٍ تعرف الواعي

الا ياعزيز اللي لافي الليله بغير لباس = بعد ضيّعت لبسك فالوكاد انّ العقل ضاعي
تحوّس فالعلوم امن الصبح تبغى الأمور تحاس = تتبطي زال باقي للحقيقه نور واشعاعي

وألا ياللّي بتال الدرب صابك يا خويّ اعماس=تجيب اللبس ضافي مير مدّ ايديك ما شاعي!!
تميل الحق مير الحق معداله يسر الناس=على نوره تمشا الناس ما به غير طمّاعي!!