تزحزح جبل سنجار واخلى محله يا عصيم=وانا مفتكر وشلون برقا تغطـي موقعـه
لكن الجبال اللي تذري من الوقت القديـم=على حالها في ساعة الضيق والا فالسعه

تزحزح بكيفه ماتزحزح على يمنى غريـم=وبرقا لها شعار وسباع ضـد المسبعـه.
مانبغالكم فزعه وجزعه وحنا فـي نعيـم=بعد ماقسمت الصف صفين صفك رح معه.

بكيفه لكنه ما حسـب حسبـة اليـوم العظيـم=وخلف جبل راسي سواته لـو انـه يصنعـه
على الهون واخذ الشيك مفتوح من كف الكريم=وخل الشكـوك بعيـد واللـي يقديـك اتبعـه

نهار الحشر ماغيره اكبر منه وانته فهيـم=وحنا خصيم الشر بالشر نقـدر نشبعـه!!
انا في غنا عن شيك رجل ٍ كما العمده عقيم=وعيني يقدني نظرهـا وعلمـك رجعـه؟؟

ترى تمرك اللي فالحساء يالعصيمي..والقصيم=ما اظنه يسد العجر حتى لـو انـك تجمعـه
لكن ان حداك الوقت عنّ الفرس وازبن ثليم=بلاش المكابر .. يا جويع اسمع العلم اسمعه

تحت رحمة الرحمن والله على خلقه رحيم=لكن الوصل ياراعي الوصل وشبك تقطعه!!
انا مانـي بحاجـة لمـدة كريـم ولالئيـم=و لاني مكابر والعتيبي لياطـاح ارفعـه.؟

اذا في خزينتك الاخيرة ليـا هـب النسيـم=جنيهات .. ما تظهرك لا جيت وسط المعمعه
لا والله بديت تشد وانته على خبري مقيـم=ولديت باب الخير لـو مـا خلافـه منفعـه