نسمك في صدرك بعد جيناك جاي ٍ له فحيح = ماطاح فالحفره بعد حفرت يقع حفارها !
لاعاد تلعب مع عتيبه غير بالاسم الصريح = حتى ليا عدّوك تحسب من ضمن شعارها !!

مقعد الدغيلبي=

سلام والزراقي اللي كل مايـزرق يطيـح=نبانشب النـار ونحطـه طعـام لنارهـا
امدله كفٍ كريـم ايمدلـي كـفٍ شحيـح=واهل الكرم والطيب محد(ن) جاهلٍ بذكارها

محمد بن رشيد=

يامرحبا ياشاعر ٍ غنيت بلسان ٍ فصيح=لو كلمتك ماناسبت لكن دوّر غارها !!
الناس قالوا يالعتيبي مايصح الا الصحيح=بيني وبينك طرقة ٍ ماينتهي مشوارها

مقعد الدغيلبي=

انا مابيّح بالسراير يوم ابه نـاس تبيـح=الله ولاضعوفٍ تبيـح فالزمـن بسرارهـا
ماجاك غير الطيب وانته تستعد وتستريح=ياللي تضيرها على حوارن ماهوب حوارها

محمد بن رشيد=

باين عليك انك من الايام والدنيا جريح=لكن سقها لين تبرك فالطريق ابزارها !!
ان كان وانك مروح ٍ لك من مغيب الشمس ريح=طعني وكالات الفضاء لاتستمع فأخبارها !

مقعد الدغيلبي=

باين وواضح وانت من حماك نسمع لك كحيح=وانا نويت اسوقها والناس حسـب افكارهـا
مهما تشب النار قـدرك والله انـه مايفيـح=يابو يميـنٍ كـل ليلـه تصطفـق بيسارهـا

محمد بن رشيد=

نسمك في صدرك بعد جيناك جاي ٍ له فحيح=ماطاح فالحفره بعد حفرت يقع حفارها !
لاعاد تلعب مع عتيبه غير بالاسم الصريح=حتى ليا عدّوك تحسب من ضمن شعارها !!

انا تراني ماتأثر من دعايات الجميح=مهما تروج فالدعايه ماجهلت اسعارها
انا على وضح النقا ماجلس على جال الضريح=لكن عز النفس واللحيه على مقدارها

اليا ارتفع سعر المريكي يالعتيبي لاتصيح = نكبة تجارتنا تراها جات من تجارها !!
خلك على سنة محمد من بعد عصر المسيح = وان ماسبقت القافله ماني بقايل بارها !!

انا ترا متعب ولا اشقى لجل ادور للمديح=والمقفيه بقفايها علم عليها غبارها
وقت مضى تاخذ وتعطي لقصراك من اللتيح=صورتك من عبر المحطه واكشفتك اقمارها

ان كان ماهرجك ثمين ووجهك الطيّب مليح =مالك ومال اطوالها ياصاحبي واقصارها !!
يامقعد اقعد في محلك لاسليم ولاذبيح = منته بواصل للنجوم اللي تشع انوارها !!

المشاركة الأصلية كتبت بواسطة عيد بن مرضي (المشاركة 1037438) ههههههههه الله الله صح لسانك يامقعد ولسان محمد متابع

المشاركة الأصلية كتبت بواسطة الشهراني (المشاركة 1037448) حياك الله يا مقعد صح لساانك و لساان ابو مالك مقدما و اكيد متااابعين لكمــ

المشاركة الأصلية كتبت بواسطة محمد بن رشيد (المشاركة 1037597) طيب طيب ان كان ماهرج ثمين ووجهك الطيّب مليح =مالك ومال اطوالها ياصاحبي واقصارها !! يامقعد اقعد في محلك لاسليم ولاذبيح = منته بواصل للنجوم اللي تشع انوارها !!