العازمي

سلام يبقا فالخفوق سنين عربون اللقاء = لو قاله المجنون قيس اقتاد ليلى العامري!!
ماهيب خوّة ذيب لاجل اقطعك ياليل الشقا = ماغار فحص اخلاق والمعواد حسب آوامري!!

سعود البرقاوي

كذلك الترحيب يبقى لين نعرف وش بقى = عسى ماهي لقمة يادوب تسد بطن الخامري
يالعازمي درج قدم رجلك على وضح النقا = خابرك منت مغامري وشلون صرت مغامري

العازمي

لاتبحث المكنون لين يقول خصمك وش هقا = البندق اللي معي ماناشت جنوب الضامري!!
القاف هذا ماجمع راعي وخضاض السقا = واللي قلط قدمك مضرّا بالمحل العامري!!

سعود البرقاوي

ياسايق الفرت الحمر حظك نزل والا رقا = الفرت قلي كيف يسبق جيب والا كامري
البرق يبرق فالسما واللي ورى الباب اتقى = حنا نشوفه كل ليلة في صفوف السامري

العازمي

ماني بكداد الخطوط السود يامال البقا = واليا بغيت افتيك في موسى وروح السامري!!
عديتلك شهرين مع شهرين والزود افرقا = تبا الغناه ومعتمي حتى ماعاد ءتذامري!!

سعود البرقاوي

اليا لحقك الشك من يمة رفاقة واصدقاء = راجع ضميرك لاتقول المشكلة في ضامري
حزب اليسار القومي ادري كيف كان وويش لقا = يابلّ كلنتن لاتعدى حد ماكي جامري

العازمي

حبل الصداقه يانفاعي معك كان موثقا = وان قلت باقي قلت حذرا لاتعود اتطّامري!!
وادي لبن جسره على روس الجبال معلقا = من زود فن الهندسه والا النصيب الدامري!!