محمد بن رشيد=

تعال يالاصعر نبا نعطيك درس من الدروس=مثل الدروس اللي عطيناها ولد عمك علي !!
اليا عطيتك علم ظمه لا تحوس العلم حوس=وش قلتك هاك النهار ووش بعدها قلت لي !!

عبدالله الاصعر=

ياستاذنا الغالي ,, وقوف القوم فرق عن الجلوس=وانته قعدت ابها ,,, لونك فالزمن مالك حلي
بيني وبينك حرب يامحمد مثل حرب البسوس=مابيننا رفقه وعهد ,,, من الزمان الاولي

محمد بن رشيد=

انته عريس وتنتظر متى يزفون العروس=والمشكله مهرك لهلها اربع ريالات وطلي !
والله مابيها بيننا ياربعنا حرب ٍ ضروس=انته ماتدري ان المشاكل مثل نار ٍ تصتلي !!!!

عبدالله الاصعر=

بنت الهوى اللي لبسوها اغلى الحلي واغلى اللبوس=ان جابها الحظ السعيد ,, ادفع مهرها لو غلي
حنا من اتباع النبي ,, ما نتّخذ دين المجوس=( احداً بنهج الشافعي ,, واحداً بنهج الحنبلي )

محمد بن رشيد=

انت ابدوي ٍ محرقه وجهكـ, لواهيب الشموس=والبنت تبغا واحد ٍ بالمال جيبه ممتلي !!
البرق يبرق والمطر علمه تجيك ابه العسوس=وانا على شان الحيا روحت مستاق اجملي !!

عبدالله الاصعر=

عندي تبا تلقى الجنيهات القديمه والفلوس=وانت حضري عندك ,, تبا تلقى البطاطس والجلي
بعض الشجر روياء عروقه لكن غصونه يبوس=لو يجري الماء من تحتها والخيال مخيلي

بن رشيد ,,

انـتــه عـريــس وتنـتـظـر مـتــى يــزفــون الــعــروس ** والمشكـلـه مـهـرك لهلـهـا اربــع ريــالات وطـلـي !

أهب أهب ,,

الاصعر ,,

بنت الهوى اللي لبسوها اغلى الحلي واغلى اللبوس ** ان جابـهـا الـحـظ السعـيـد ,, ادفــع مهـرهـا لــو غـلـي

آآآآآآآآآآمين والله يوفقك ,,!!


صحت الالسن والقلوب والله يالقروم ,,

عز الله محراف على قصره الا انه غير ,,

وانا والله ماادري أبارك لكم ولا أبارك للأوسمه بكم ,,

ألف مبروووووووووووووووووكـ ..!!!

الله يوفقكم ولاتحرموننا إبداااعكم ..!!! في انتظااره ..!!!