يازير صوتك نسمعه لكن دونه صوت زير = والضاهر ان الفايده يازير منك القرقعه
اللي معه سيف مهند ينطح الجمع الكبير= واللي معه باكور يستاق البقر فالمزرعه

المشاركة الأصلية كتبت بواسطة الصاطي,, (المشاركة 1016565) الله الله \ \ يازير صوتك نسمعه لكن دونه صوت زير = والضاهر ان الفايده يازير منك القرقعه اللي معه سيف مهند ينطح الجمع الكبير= واللي معه باكور يستاق البقر فالمزرعه

انت لك عشر سنين من ركبة ليا وادي الجرير =مشوار ساعة في سنة ياصاحبي ماتقطعه!!
كل الطيور تطير ياكود الدجاجة ماتطير = مثل وانا ماابغاك تزعل يوم مني تسمعه!!

ما هيب برقيه تقدمها على مكتب وزير= الحلو لازم تجرعه والمر لازم تجرعه
يا بو مثل مايحتلج حول البيوت لا الحمير= هذا بعد يحسب مثل خل المطابع تطبعه

ثبت قدم رجلك معي لين انه يقر القرير = ترى النقا مردود وابواب الجهاد مشّرعه!!
لو أن مالك في مثلك اللي تعلم به خشير = مأجور يالصاطي يقولون الصراحة موجعة!!

عسا شهود الزور تدخل في عذاب الزمهرير=اللي تزين وجه سلطان الجذع وتلمعه
العام ضلع الخندمه جمب الحرم مثل الخفير= واليوم ضلع الخندمه ماباقي لا مقلعه

الله من علم على شانك تركته فالضمير = بعض العرب قرادته للموت الاحمر تدفعه!!
انت وراك ليا طرى لك بيت تقبل به مغير =ان كان ماهو في محله لاتجي به.... رجعه!!