المشاركة الأصلية كتبت بواسطة محمد بن ساعد الثبيتي (المشاركة 1015070) العازمي × العمدهـ صحت الالسن تدروون اني متابعكم من سنتين ؟! لآنكم شعار جزلين ولايهونون الباقين

ام اليتامي اللي بزورقها تصيـــد فالبحـــــر=لو يصطفق موج البحر سالت دموع ايتامها
من فك عمره منتحر قدامــه الموت الحمر=لا يحسبنه يفرق السومه لو انه سامها

الصيد قاد وبندقي مضرابها عيـن ونحـر=ماني معلّقها وانا اشوف العشـا قدامهـا!!
يالعمده احذر لايشوش الراس ويطيش الفكر=الا ليـا رزّت عدانـا للنـزال اعلامهـا!!

ذيب الغداري ما يصاد ولا على مثله خطر=والا الظبا يمكن تموت نفوسها واحلامهـا
بين اللحا واشنابها يا عيد يا وسع الصدر=والخوف كل الخوف يفتك بالظهور حزامها

قبل الهدف ياعمدة الروقه ليا اعطيت الامر=اثن الركب قدام لاتنقل صواب ايامها!!
سلك الحرير اللي يجرّه زيد لو خمّه عمر=كان الليال السود عمر يصير من خدامها!!

العلم صره في بطينك والبعير اللي هـدر=يبا يكسر راس بقعاء الثايرة وعظامهـا
ما يقنع الانسان لين يذوق لوعات الدهر=كم نفس كافر من عذابه صرحت باسلامها

وراك من بعض العلوم اللي على بالي حذر!=اضحيت فالساحه قضيه ماتجف اقلامها!!
عندي عن اخبار الرسل واقوامها علم وخبر=صفحات فالتاريح بالعبره تهب انسامها!!

الجاهل اللي قال ليل العيد يعرف من عصر=الله ولا الدشداشة اللي ما تبيـن اكمامهـا
لا تنشد اهل البل عن الافلام وعلوم الحضر=الحضر معها يا بعد راسي علوم افلامهـا

من لبس ثوب اطول منه ماعجل مطيحه فالحفر=واللي على هالشاكله ماجمّلتها اقدامها!!
اللي طمع ب/شداد ريمه مايقدّيه النظر=قدام يطمعها يجوّد خشمها بخطامها!!

ام اليتامي اللي بزورقهـا تصيـد فالبحـر=لو يصطفق موج البحر سالت دموع ايتامها
من فك عمره منتحر قدامه الموت الحمـر=لا يحسبنه يفرق السومه لو انـه سامهـا

المشاركة الأصلية كتبت بواسطة العازمي (المشاركة 1015079) الله يجملنا مع الغالين شرواك صح بدنك يابو ساعد ومتابعتك شرفتنا الى ابعد حد

المشاركة الأصلية كتبت بواسطة محمد بن ساعد الثبيتي (المشاركة 1015070) العازمي × العمدهـ صحت الالسن تدروون اني متابعكم من سنتين ؟! لآنكم شعار جزلين ولايهونون الباقين

ياجايب الاخبار عنها من هشيم المحتضر =ماصادت الاصيد قبل امس وتطق ابهامها!!
الهند شعبٍ منتهي عبّادة اوثان وبقر = لاشافت ارضٍ خاليه جاتك تشيل اصنامها!!

المشاركة الأصلية كتبت بواسطة العمــــــدة (المشاركة 1015099) حياك الله يا محمد الثبيتي حضورك الكريم يشرفنا ومتابعتك نفخر بها ونعتبرها مكسب لنا صح قلبك ولاهنت