الا ياللي نويت الحج مايصلح بلا ميقات=وبيت الله يبا يحيا رعد ويموت ماطافه
كسير العين مايرفع عيونه من زمانٍ فات =كبن الذيب يقنب بالعوى في راس مشرافه

عراقيب العرب حشاشها عنده خلل فالذات=يبا يبرك بحمله لو نشيل الحمل فاكتافه
على الاجساد خرقة بالية ما تستر العورات=وصيور الليال المقبلة للروس قطافه

انا من خلقتي ماطرد ولا انقل هرجة الشمات =وخابرها مزيه من مزايا رعد واوصافه
هذا ثوبك ولو تلطي قماشه بالذهب هيهات =حكمك الوقت حكم الهون وانشا عرش وخلافه

مع الجمال شون ولا حسب لمراوغ الحيات=يسير برغبته وبهيبته ومحقق اهدافه
على حيلك بعزم وجزم رد القوم واخذ وهات=وبنك الرجحي لا عاد تنظر صوب صرافه