طب في بحر العرب وانا معك فالبحر عايم=من يحول غبة التسعين يلقاني خويه..!!
التضاعف والتمسكن مايقضي له لزايم=عزتي له مامعه نفسنِ مع العالم نقيه..!!

حوم من فوق الغيوم وصاحبك فالجو حايم = كان لك نظره بخيصه جيت وعزومي قويه !!
الحصيني لو يعيش مع الذيابه مايلايم = طول ذيله يفضحه وعظامه لحيانه طريه !!

طب في سوق الغلا وتشوف لك بياع سايم=وانت ياناصر موصى ماتبا مني وصيه..!!
شفت معروض الوسايط والترحم والهزايم=سلمه بيدين اخوه التوم ماحل القضيه..!!

وسط سوق الغاليه ماشلت في جيوبي قسايم = كاسبٍ لي سمعةٍ من سمعتك والنار حيه !!
يامجري لو نعد الحق ماننطق ظلايم = النجاسه فالنجوس اللي لهم نفسٍ دنيه !!