لاتقابلنا ترى كل ٍ يسل سيوفه = ياعجوز ابليس عن فعل الخطايا توبي
يالجذع من بيننا تفاحة ٍ منصوفه = الله اكبر كيف تنسى الزاد والمشروبي !!

هذي اللي لعنزة ومن عنزة مصروفه = ألتسبها يابن وايل مثل لبس الثوبي!!
بارك الله في عقاب مقدرين ظروفه = يلعب المنكوس والا يلعب المسحوبي!!

الجذع يااصحابنا لو هي تطول كفوفه = اعرفوا في وسط قلبه مايزيح الخوفي
انت لو تاخذ معانا فالشمال بروفه = كان سمّوك العرب بالشاعر المحبوبي !!

الله يعينك على وقتك هذا وصدوفه = تكبر النكبه وتلقى وجهك المنكوبي!!
خلها ياصاحبي فلحافها ملفوفه =مابغيت امركم واخلي يدي وجيوبي!!

لاتضحكني وانا ماقد سمعت اطروفه = دام عينك للمساجد والعقل فاللوبي !!
والله اني ماخبرت بمنّه ومعروفه = لوّ اني ضامي تركني وارتشف من كوبي !!