امجاملاتك ياكبتن ماتزيدك حصيل = والكلمة المخطية ينقدك نقادها
سعود راسه شجيع وفي يمينه صقيل = مايشتكي هم روس القوم واسيادها

المشاركة الأصلية كتبت بواسطة علي فلاح العضياني (المشاركة 978222) الله الله صح لسانك يا بو طايل بدايه موفقه من شاعر موفق و صح لسان كبتن الفريق متااااابع حتى النهايه

سعود العصيمي

تعال ياكبتن عتيبه وعطني دليل = في كلمةٍ جبتها ماجيت باسنادها
حمولة شعيل مايشتالها الاّ شعيل = وشلون حطيت ضابطها مع افرادها

كبتن عتيبه

ياسعود أنا قلت شيئًا ماهو بمستحيل=ومتابع أهل الفضاء ومتابع أرصادها!!
وأنا من أهل البلد ماني بعابر سبيل=وأهل البلد لا توصّيها على بلادها!!

سعود العصيمي

مهما تتابع ومهما قلت طففت كيل = واخطيت في حق ناس تصدح امجادها!!
هذا البلا يوم تدري عن كثير وقليل = وترد بعض السيوف الحدب فغمادها؟

كبتن عتيبه

سعود في قدر ربعه ياعتيبه بخيـل=لن كان مانقّص العتبان مازادهـا!!
أثرك هواوي وقلبك صار مثل الفتيل=ياسعود من جرّب الصكات ماعادها!!

سعود العصيمي

امجاملاتك ياكبتن ماتزيدك حصيـل=والكلمة المخطيـة ينقـدك نقادهـا
سعود راسه شجيع وفي يمينه صقيل=مايشتكي هم روس القوم واسيادهـا

عن دار صدام لو أنّك تظلّي وكيل=والله ماتقبلك بصرتها وبغدادها!!
لو ما أنت يالهرش شايب ..قلت يأخر موديل=مير العواده ..غلط تصفير عدادها!!