يامحمد اللي فالقرى شبيت نيران الحروب=ياليت والله يامحمد كان ماشبيتها
انته بناخينا لكنك صرت ذنب من الذنوب=ياليتها ماكان تربطك الصله ياليتها

النار ماتاكل يكود اللي يصكون الدروب=وانته على الطرقي ياعبدالله ورى صكيتها !
انا عقوبة كل ظالم لين عن ظلمه يتوب=وصل علومي كلبوها من بعد ما اوحيتها !!

انته على درب الشقاء تراك مانته بمغصوب=عوّد على حدّك عبادالله ليش اذيتها
تبا تداحمنا يابن رشيد بكبار الجنوب=والعالم اللي غيرنا تدحمك مارديتها

طرالكم طاري بعد ماهب نسناس الهبوب !!=وانته منول لك حدود اعرفك مازليتها !
حنا نداحم من يداحم فالشمال وفالجنوب=والناس ماتنسى فعول اللي ينومس صيتها !

ياللي عن الواقع تهرب مانت لاقيلك هروب=انا حدودي ماتعداها ولا خليتها
انته دحمت سليم وهذيل ومطير مع الحروب=ولاّ على لسانك طرت يامحمد وغنيتها

لو اعرف ان السالفه تاتنتهي قبل الغروب=اوجزتها في كلمة ٍ وحده معك وانهيتها !!
ماني كذوب ولاانت ياعبدالله الاصعر كذوب=والكلمه اللي مالها برهان ماعديتها !!

زال انت ماعوّدت يم رهاط وصياحك طنوب=من ضرب سيفي (بعد سكينك معي حديتها)
ماقلت لك كذاب يامحمد ولانته بمحسوب=نعم الرجل ون جتك غارات العداء صديتها

فالنار لاترمي بروحك عقب ماشبت شبوب=ماتدري اني كم رقاب ٍ حمر ِ قد ذكيتها !!
انت آدمي , يالادمي منته نزيه من العيوب=ودك تكحلها ياعبدالله لكن اعميتها !!