نايف بن ملحق =

ياسعود العصيمي ماش غيرك خصيم=حسبي الله علي الدنيـاء وصكاتهـا
احتزم للمواقف وانت شاعر عصيم=والمعانـي تراهـا جـات حزاتهـا

سعود العصيمي=

من قديم الزمن وانا الخصيم الزعيم=كـل قـوم تميزهـا مقاماتـهـا.
سرها يابن ملحق وانت شاعر فهيم= ماتناسبك يانايـف معـي هاتهـا.

نايف بن ملحق =

ياهل وادي عصيل الزمل كله محيم=وام وجهين ويش اغفـر زلاتهـا
لاتغيشم وانا خابرك منتب غشيـم=والعرب ماتبا تحملـك شرهاتهـا

سعود العصيمي=

وردوها على نعـدٍ تعرفـه قديـم=وام ظرفيـن نعرفهـا بميزاتهـا.
كل ماجبت سين ايجيك للسين جيم=والعـرب لا تحاسبهـا بنياتهـا.

نايف بن ملحق =

يالعصيمي تري ربي غفور رحيم=والقضيه تراهـا فـي ملفاتهـا
ياسعود انت لاجاهل ولانتب يتيم=من يعوم البحور ايعرف غباتها .

سعود العصيمي=

مالقينا طريقآ واضـح ومستقيـم=والمعاني تميزهـا علاماتهـا.!!؟
والعصيمي مايمشي غير دربٍ سليم=روح علم رجالٍ تسمع اصواتهـا!!

نايف بن ملحق =

ياهل المنتدي الي جوكم فيـه غيـم=اعـرف اقلوبكـم وعـرف نياتهـا
احد مرتاح في الدنياء واحد في جحيم=كـل نـاس بمذهبهـا وعاداتـهـا

سعود العصيمي=

اثرك اللي يشيل عظامها فالبريـم=مـد يمنـاك وامـدك بمداتـهـا.
انت ابن نعمه ولاعشت عيشة نعيم=والسبب من عمل نفسك وسيئاتها.

نايف بن ملحق =

من يجيب الرديه ياعسي امه عقيم=وانت كلمتك هاذي حضر اثباتهـا
الحقيقه تري ياسعود منتب حكيـم=مارلا تلحق احياء الناس وامواتها

سعود العصيمي=

والله ان الحقيقة نورها مستديـم=والاصابـع تطلعهـا بصاماتهـا
علم اللي يشب النار جوف الهشيم=واقفلوا بابها لاتفـرح اعداتهـا.