عبدالمجيد العطاوي =

بسم لله الرحمن مبدانا قبل مبدى السلام=في حلّة ضامي المعرفة يبهجه معروفها
طرّف يابو عبدالله الليلة هواجيسي حيام=ميرداها عدٍّ يكفّ النضح فوق اشعوفها

سلطان الجذع =

يامرحبا ترحيبةٍ يبقى صداها حـول عـام=الروس تقنع من خبرها والعيون تشوفها !!
زمزم خلقـه الله يـوم اراد خيـرٍ بالانـام=مايشتكي هم الورود مياتهـا واولوفهـا !!

عبدالمجيد العطاوي =

عزّ الله انّك خير من مثّل عتيبة فالزحـام=وان كان ردّ العلم ,, فأنت معزّبٍ لضيوفها
خلّك معي والعلم الاقصى لا يباع ولا يسام=العلم لو تدري عنه بقعاء تطـق ادفوفهـا

سلطان الجذع =

مافيه شك اني ليا رد البـرى راع المقـام=والهيبة اللي للذياب الشهب تدعي خوفها !!
احسب حساب الكلمة اللي تاجها فوق الكلام=واعط اليتاما قبل ترسلها بعض مصروفها !!

عبدالمجيد العطاوي =

مطيّة الشيطان ياسلطـان صايبهـا الهيـام=وان درهمت وان زرفلت ماهوب والله حوفها
حوف الشعير اللّي خياشه كيلها كيلو جـرام=سمّى علاها ليـن مـال شدادهـا لردوفهـا

سلطان الجذع =

اما افتلوا في قيدها والا اخطموها بالخطام=ترى الملامة فوقكم قامت تٌحٌدسيوفهـا!!
لاوالله الا راح نورك في نظر عيني ظلام=ياللي قريت رسالة الايام عد حروفهـا!!

وشلون نحكمها وهي في حكم ملعون الرسام=ليا زهم للفتنة العميا تصفّ اصفوفها
من عقب لقحت يالجذع ماني ملحّقها ملام=المرسيات من الرواسي ماتعَدّ اكهوفها