ماش بيتٍ مروبع بليا عمد / لاتقولون جساس يشبه كليب =وانته اقلط على البيت لا تسبره / كل شيءٍ بوقته حلو ياحلو
كنت احسبك لنا فالمواقف سند / واثرك تصيب مره ومره تخيب =مثل بندق تزيت بلا صنفره / كل شيءٍ بوقته حلو ياحلو

المشاركة الأصلية كتبت بواسطة حاكم الغنامي (المشاركة 973226) ههههههههههه صاهود نسيت اقول باستثناء صاهود ههههه ارررحب منورنااااا وصح بدنكــ

ادرس النقد ويجوز لك تنتقد وان خذيت الشهادة نحطك صحيب= والسوالف بعضها بدون ثمره كل شيء بوقته حلو ياحلو
تعتقد واختلف عندك المعتقد نظرة ابليس تحذفك وسط القليب = كل ما امسى المساء جاي لك صرصرة كل شيء بوقته حلو ياحلو

انت عندك مشاكل بوسط الغدد / حسب تقرير حاكم وحاكم طبيب =يبصم ان طبت ببهامه وخنصره / كل شيءٍ بوقته حلو ياحلو
لا ترف بجناحك ياطير السعد / تنشد سعود وسعود عيا يجيب =كل ماياقف بموقفٍ يخسره/ كل شيءٍ بوقته حلو ياحلو