المشاركة الأصلية كتبت بواسطة فاهم بن العتيبي (المشاركة 973601)

عزيزي ابو مرحبا ليس معلوم من طرفك انت هذا باب وفيه جواب

لا تعمم على مؤرخي القبيله وعرافها ونسابتهاما تجهله انت اخي ابو مرحبا

.......



العصمه في حرب هم في الاساس من عصمه عتيبه ويقال لهم العصمه
حبيت اذكر لكم المعلومات اللي اعرفها عن العصمه اللي مع حرب
هم من عصمتنا من الشفعان ولكنهم جلوا بسبب ذبحه وهو اصلا رجال واحد
وكان له اخو مريض او مختل او شي زي كذا اسمه جفين
وكانو الشفعان ه واردين على الماء ويسقون اباعرهم المهم جفين ذا كان مختل او مريض عقليا وجلس يجفل اباعر واحد من جماعته قام هذاك وضربه وقدر الله وكانت ضربته مميته
الرجال اللي ذبح جفين دخل على واحد وحط معداله ولان جفين شخص مختل ما اعطي الموضوع اهميه وبغوا يرضون بالسوق
ولكن واحد مقرود تكلم على اخوه او عيره قام اخوه اخذ البندق وراح يدور غريمه وكان غريمه في وجه رجال
مع الدرب صادف واحد من عيال عم الذباح وكان رجال مشهور بالشجاعه وكان عز للقبيله وعلى ذلك كان عارف بمذاهب العرب وعتيبه وخصيم في الدعاوي
يوم شاف اخو المذبوح عرف انه ناوي شر قابله وقال تراك حاطنا في الوجه ومعدالنا
عندك صار بينهم مشاده ورماه اخو المذبوح وذبحه
ولما كان الرجل ذا له اهميه عتد القبيله وعلاوة على ذلك مذبوح وهم في الوجه فزعوا عيال عمه بيقتضون قام جلا اخو جفين ولا وقع غير عند حرب
وبعدين صار صلح وشرطوا ان اخو جفين ما يعود يوم يقول الشاعر


والله انا ما بغينا ذبحته في جفين
-------- مار يومه ولا له غير يومه وفاه

المهم اخو جفين راح مع حرب وهولاء هم نسله

ويذكر انه بعد مرور سنه عند الحروب وفي العيد وكانوا الناس في فرحه وسباق هجن
واشعار يحدون
قام اخو جفين وقال له بيتين
العام انا في الفين بيت
--------- ما يا سمون الا الهجار
واليوم مع حرب انقليت
--------- سوات بن جوف نار

يقولون يوم سمعه امير الحروب وهو يفز ويسل سيفه
قال يالعصيمي انت دخيلي من ضامك وانا انطل براسه هالحين
قال والله محد ضامني بس تهيضت يوم شفت اللعب وذكرت ربعي اللي مقدر اعود لهم

منقول