المشاركة الأصلية كتبت بواسطة معجب العتيبي (المشاركة 963177) صاهود ياهلا وغلا انا اشوف الصفحات منوره واحسبني فاتح القمر صح بدنك واكيد الصف عامر بوجودك

ابن سرحان الثبيتي

اشوف فالملعبه مشرف وشاعر كبير = يقلون معجب وانا ماهو بمعجبني
يامعجب القشه اللي روحت بالبعير = مدري من اللي رماها مير واغبني

معجب العتيبي

ماشفت غير الحقيقه يالخوي المدير=لو ان هرجتك ماهي حيل تطربني
الظاهر انك يابن سرحان فيها خشير=طبق عليك المثل يضرب ويسبقني

ابن سرحان الثبيتي

ان كان ماشفتها بالعين فانته ضرير = وعلى دموع اليتاما لا تحاسبني
تغلط ولا تدري ان الوضع جدا ً خطير = وانا ليا قلتلك مخطي تكذبني

معجب العتيبي

عن مقصدي ليش ابن سرحان جا مستدير=وفي واجبه صاحبي جاين يطالبني
حاول تذكّر بدايات الحبي والمسير=قدام بجيوشك الرفلا تحاربني

توقيعك اللي على كشف الفساد الاخير = يثبت تورطك لا تهدم ولا تبني
وشلون تسمح بها وانته في منصب وزير = هذا سؤالي فقط : ليتك تجاوبني !!!