الطيب بين الناس ماجاله حدود= وياطيب من يغني عن الناس روحه
لو الكفاح يصير منسي ومفقود=مابيّن الميزان معنى رجوحه

عبدالله الاصعر

الله على الايام وليالها السود=خلت حكيم العقل يزهق بروحه
يامعجب انت بقسم الاشراف موجود=على المريض اللي عطيبه جروحه

معجب العتيبي

لاتامن الدنيا ترا منت محدود= واخذ النصيحه من قلوبٍ نصوحه
في ماقفي ماجبت شرهه ومنقود=ما احتاج للي زايداتٍ مدوحه

عبدالله الاصعر

تلقى الكرم والجود مع راعي الجود=ماهوب عند اهل اليدين الشحوحه
لو درب بعض الناس مغلق ومسدود=يمدي بليد العقل صعب(ن) نجوحه

معجب العتيبي

الطيب بين الناس ماجاله حدود= وياطيب من يغني عن الناس روحه
لو الكفاح يصير منسي ومفقود=مابيّن الميزان معنى رجوحه

احد(ن) تقولنه عن الطيب مردود=واحد(ن)يشيد بالمعزه صروحه
اللي يحسد الخير في عينه العود=والسيئات له تسجل بلوحه