المشاركة الأصلية كتبت بواسطة عيد بن مرضي (المشاركة 958999) ياسلاااام سلم ابن دحيم // ابن عمير صح الله ااااااااااااااااااالسنتكم متاااااااااااااااااااااابعين لكم

بعض الدماء بارده والا بعضها يفور = بعض بعد الهقاوي علي صعب يتهقوابها
تالي زمنا دبور ومقتفيها دبور = احولت عيون بنت تكحل اهدابها

تحمد الله وخلك في ظلال القصور=والناس للحين ماثارت ابك اعصابها
جتك المصيبه من اسباب الترف والفجور=واخبار الاجواد ماتفتح لك اكتابها

الحمد لله لكنك تلف وتدور = وناري تبى تنثر الماء فوق مشهابها
راع الطمع ما روي لو كان شرب البحور = اوراقها بينت من كسر دولابها

الله يكافيك يابن دحيم كل الشرور=جاتك ذياب(ن) تعاوى لك على اهضابها
تقول راع الطمع والامر شي مخبور=مصايب الناس حاضرها وغيابها

ترا الهنادي مضاربها تفج النحور = لو يكثر(ن) الذيابه ما بلشنا بها
اكبر مصيبه يا علي عمير دهن السيور = مخافة الله يا قشر اللي قفل بابها

المشاركة الأصلية كتبت بواسطة بناخي الايداء (المشاركة 959060) سلطان بن دحيم على بن عمير صحت السنتكم جميع تحيتي